اۋىز سۋ ماسەلەسى وزەكتى

اتاپ ايتقاندا, كارتاعا ازاماتتاردىڭ وتىنىشتەرىن قابىلداۋ مەن وڭدەۋدىڭ بىرىڭعاي پلاتفورماسى ارقىلى حالىقپەن كەرى بايلانىس ورناتۋعا ارنالعان جاڭا فۋنكتسيالار قوسىلدى.

ەسكە سالا كەتسەك, اۋىلداردى سۋمەن قامتاماسىز ەتۋ دەڭگەيىن مونيتورينگىلەۋ ءۇشىن مينيسترلىكپەن تۇرعىندارعا قولجەتىمدى ينتەراكتيۆتى كارتا ازىرلەنگەن بولاتىن. ونىڭ كومەگىمەن ءاربىر ازامات ءوزىن قىزىقتىراتىن كەز-كەلگەن اقپاراتتى كورە الادى. ماسەلەن, ءوڭىردىڭ سۋمەن قامتاماسىز ەتىلۋى, قارجىلاندىرۋ, قاراجاتقا دەگەن قاجەتتىلىك, حالىق سانى تۋرالى جانە باسقا دا مالىمەتتەرمەن تانىسۋعا بولادى.

جالپى اۋىز سۋمەن قامتاماسىز ەتۋ بويىنشا الماتى (99,1%), اتىراۋ (99%) جانە قىزىلوردا وبلىستارى (97,8%) كوش باستاپ تۇر. دەگەنمەن, بىرقاتار وڭىردە ارتتا قالۋشىلىق بار. اۋىز سۋمەن قامتۋدىڭ ەڭ تومەنگى دەڭگەيى قوستاناي (74,9%) جانە سولتۇستىك قازاقستان وبلىستارىندا (83,5%) بايقالادى.

2021 جىلدىڭ قورىتىندىسى بويىنشا اۋىل حالقى اراسىندا سۋمەن جابدىقتاۋ قىزمەتتەرىنە دەگەن قولجەتىمدىلىك 93%-دى قۇرايدى.