1 ناۋرىزداعى جاعداي بويىنشا قازاقستاننىڭ 361 ازاماتى ۋكراينا-پولشا شەكاراسىن كەسىپ ءوتتى. شەكارادا تاعى 40 وتانداسىمىز ءوز كەزەگىن كۇتىپ وتىر, دەپ حابارلايدى Egemen.kz.
قر سىرتقى ساياسي ۆەدومستۆوسى تاراتقان مالىمەتكە سايكەس, پولشاداعى ءبىزدىڭ ەلشىلىك ازاماتتارىمىزدىڭ شەكارادان ءوتۋىن قامتاماسىز ەتۋ ءۇشىن پولشا جاعىنداعى شەكارادا تاۋلىك بويى ديپلوماتتار كەزەكشىلىگىن ۇيىمداستىرعان.
Air Astana اۋە كومپانياسىنىڭ ەكىنشى ەۆاكۋاتسيالىق ۇشاعى نۇر-سۇلتان ۋاقىتى بويىنشا ساعات 15.30-دا كاتوۆيتسە-اتىراۋ باعىتى بويىنشا ۇشىپ شىقتى. اتىراۋعا تەحنيكالىق قونۋ قاجەتتىلىگىنەن كەيىن نۇر-سۇلتان قالاسىنا ۇشىپ كەتەدى. بورتتا 120 ەرەسەك جانە 4 بالا بار.
بۇدان بۇرىن حابارلانعانداي, كاتوۆيتسە قالاسىندا قر ازاماتتارىنىڭ جينالۋىنا قاراي قوسىمشا ەۆاكۋاتسيالىق رەيستەر جوسپارلانعان. قازاقستان رەسپۋبليكاسىنىڭ سىرتقى ىستەر مينيسترلىگى قازاقستاندىق ازاماتتاردى ۋكراينادان وتانىنا قايتارۋدى ۇيىمداستىرۋ جۇمىسىن جالعاستىرىپ جاتىر.