كاسىپقوي بوكس الەمىندەگى ەڭ نەگىزگى ءتورت ۇيىم: WBC (بۇكىلالەمدىك بوكس كەڭەسى) WBA (بۇكىلالەمدىك بوكس قاۋىمداستىعى), IBF (حالىقارالىق بوكس قاۋىمداستىعى), WBO (بۇكىلالەمدىك بوكس ۇيىمى) ەندىگارى رەسەيدە وتەتىن بوكس كەشتەرىن, جەكپە-جەكتەردى مويىندامايدى جانە ۇيىمداستىرىلۋىن قۇپتامايدى, دەپ حابارلايدى Egemen.kz.
مۇنداي شەشىمدى WBO باسشىسى فرانسيسكو ۆالكارسەل, IBF پرەزيدەنتى دەريل پيپلز, WBC جەتەكشىسى ماۋريسيو سۋلەيمان, WBA باسشىسى جيلبەرتو مەندوسا بىرلەسىپ قابىلداپ وتىرعانىن ايتا كەتكەن ءجون. ولاردىڭ بارلىعى دا رەسەيدىڭ ۋكراينا جەرىنە شابۋىل جاساعانىنا قارسىلىقتارىن وسىلاي ءبىلدىرىپ وتىر.
«الەمدىك بوكستاعى نەگىزگى ءتورت ۇيىم بىرلەسىپ, ۋكراينادا ورىن العان جاعدايعا قاتىستى كوزقاراسىمىزدى بىلدىرگەندى ءجون سانادىق. كۇللى الەم سوعىس الاۋىنىڭ سونگەنىن قالاپ وتىرعانىن ءبارىڭىز بىلەسىزدەر. ءبىزدىڭ دە ۇستانىمىمىز ءدال سونداي. سوندىقتان دا رەسەيدەگى جارىستاردى مويىنداماۋ تۋرالى شەشىم قابىلدادىق. ودان بولەك رەسەيدىڭ ايماعىندا بوكس جەكپە-جەكتەرىن ۇيىمداستىرۋعا ءوز تاراپىمىزدان رۇقسات بەرمەيمىز», دەلىنگەن رەسمي حابارلامادا.