• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
فۋتبول 28 اقپان, 2022

«سپارتاك» قاقپاسىنا گول سوقتى

132 رەت
كورسەتىلدى

وتكەن دەمالىس كۇندەرى فۋتبولدان رەسەي چەمپيوناتىنىڭ ويىندارى قىسقى ۇزىلىستەن كەيىن قايتا جال­عاستى. قازاقستان ۇلتتىق قۇرا­ما­سىنىڭ ويىنشىسى باقتيەر زاي­نۋتدينوۆ ونەر كورسەتەتىن ماس­كەۋدىڭ تسسكا كلۋبى 19-تۋردا «سپار­تاكپەن» كەزدەستى.

ماسكەۋلىك كوماندالاردىڭ بۇل جولعى دەربيى اسكەريلەردىڭ جەڭىسىمەن اياقتالدى – 2:0. بۇل ويىنداعى تسسكا-نىڭ جەڭىسىنە جەرلەسىمىز ءوز ۇلەسىن قوسىپ, «سپارتاك» قاقپاسىنا كەزەكتى گولىن سوقتى. 49-مينۋتتا يۋسۋف يازىدجي ايىپ دوبىن ءساتتى ورىنداپ, تسسكا-نى ەسەپتە العا شىعارسا, ب.زاينۋتدينوۆ 79-مينۋتتا يۆان وبلياكوۆتىڭ ادەمى پاسىنان كەيىن تابلوداعى كورسەتكىشتى 2:0-گە جەتكىزدى. بۇل – وتانداسىمىزدىڭ «سپارتاكقا» سالعان ءۇشىنشى گولى. بۇعان دەيىن جارتىلاي قورعاۋشىمىز «روستوۆ» ساپىندا جۇرگەندە دە ماسكەۋ كلۋبىنىڭ قاقپاسىنا دۋبل جاساعان ەدى.

ايتا كەتەيىك, ماتچتى قوسالقى قۇرامدا باستاعان ب.زاينۋتدينوۆ ەكىنشى تايمنىڭ 56-مينۋتىندا الاڭعا شىققان بولاتىن. جاڭا جىلداعى العاشقى ماتچتا ءۇش ۇپايىنا قول جەتكىزگەن تسسكا تۋرنير كەستەسىندە 4-ورىندا كەلەدى.

سوڭعى جاڭالىقتار