باتىس قازاقستان وبلىسىندا ءبىرشاما ۋاقىت بۇرىن جوعالىپ كەتكەن بالىقشى تابىلدى, دەپ حابارلايدى Egemen.kz inform.kz-كە سىلتەمە جاساپ.
وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى وقيعا بايتەرەك اۋدانىنداعى بولاشاق اۋىلىنىڭ ماڭىندا بولعانىن حابارلادى. 25 اقپان كۇنى ساعات 10.00-دە بالىق اۋلاۋعا كەتكەن 1963 جىلعى ەر ادام ۇيىنە قايتىپ بارماعان. ساعات 23.43-تەن باستاپ جەدەل قۇتقارۋ جاساعى (4 ادام, 1 تەحنيكا) جانە تج قىزمەتكەرى بولاشاق اۋىلىنان 7 شاقىرىم جەردەگى توعاننان بالىقشىنى ىزدەۋ جۇمىستارىن جۇرگىزگەن. 26 اقپان كۇنى ساعات 03.27-دە ىزدەۋ توبى ەر ادامدى «بوريس» شارۋا قوجالىعىنىڭ قىستاعىنان تاپقان. ونىڭ جاعدايى قاناعاتتانارلىق, مەديتسينالىق كومەكتى قاجەتسىنبەدى. بقو تج دەپارتامەنتى اۋا-رايى تۋرالى مالىمەتتەردى قاي كەزدە دە نازاردان تىس قالدىرماۋ قاجەتتىگىن ەسكەرتەدى.