اقتاۋ قالاسىنداعى ونەركاسىپتىك ايماق اۋماعىندا ءۇش ازامات ۇستالدى. «گازەل» اۆتوكولىگىنىڭ بورت بولىگىنەن ماريحۋانا ەسىرتكى زاتى بار 8 قوراپ تابىلدى, دەپ حابارلايدى Egemen.kz ماڭعىستاۋ وبلىستىق پوليتسيا دەپارتامەنتىنە سىلتەمە جاساپ.
ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى جەدەل-الدىن الۋ ءىس-شاراسىن جۇرگىزۋ كەزىندە «گازەل» ماركالى اۆتوكولىگىنىڭ بورت بولىگىنەن جالپى سالماعى 185 كيلوگرامم 980 گرامم بولاتىن سارى ءتۇستى ماريحۋانا ەسىرتكى زاتى بار 8 قوراپتى تاۋىپ, تاركىلەدى.
«بۇل ەسىرتكى زاتى وڭتۇستىك وبلىستاردان ماڭعىستاۋ وبلىسىنىڭ اۋماعىنا ودان ءارى وتكىزۋ ءۇشىن اكەلىندى. 38 جاستاعى ايەل مەن 28 جانە 31 جاستاعى ەر ادامعا قاتىستى قىلمىستىق ءىس قوزعالدى. ۇستالعاندار ۋاقىتشا ۇستاۋ يزولياتورىنا قامالدى. قاجەتتى جەدەل-تەرگەۋ امالدارى جۇرگىزىلۋدە», دەلىنگەن پوليتسيا حابارلاماسىندا.