ەل جاراستىعى–ەرەن قازىنا

ىرىس الدى – ىنتىماق

قىزىلجار وڭىرىندەگى ازەربايجان ەتنومادەني بىرلەستىگىنىڭ توراعاسى تاحير گۋسەينوۆ ىنتىماعى جاراسقان قازاقستاندا تۇراتىنىن, قازاق حالقىنىڭ باس يدىرگەن باۋىرلاستىق, قوناقجاي قاسيەتتەرىن ماقتانىشپەن جەتكىزدى. – وتكەن عاسىردىڭ 30-شى جىلدارى ساياسي قۋعىن-سۇرگىننىڭ زاردابىن كوپ تارتقان حالىقتاردىڭ ءبىرى – ازەربايجاندار. ستاليندىك زوبالاڭنىڭ سالدارىنان تۋعان جەرىنەن الاستاتىلىپ, قازاقستاننىڭ وڭتۇستىك ايماعىنا ەرىكسىز جەر اۋدارىلعان. ودان كەيىن تىڭ جانە تىڭايعان جەرلەردى يگەرۋ جورىعىنا ءۇن قوسىپ, ءوز تاعدىرلارىن قازاق سەكىلدى ءتىلى ۇقساس, ءدىنى ورتاق مەيماندوس حالىقپەن بايلانىستىرۋشىلار قاتارى از بولعان جوق. ءبىز ءبىر-بىرىمەن رۋحاني بايلانىسقا ءتۇسىپ, تۋىستاي بولىپ كەتكەن اعا بۋىننىڭ ساباقتاستىق داستۇرلەرى مەن قىمبات قۇندىلىقتارىن جالعاستىرۋشى ۇرپاقپىز. قازاقستاندا تۋىپ-وسكەندىكتەن, اتامەكەنىمىز, تۋعان ءۇيىمىز, وتانىمىز سانايمىز. – تاحير يبراگيموعلى, قانداس­تارىڭىزدىڭ ەتنوبىرلەستىك جۇمىسىنا اتسالىسۋ بەلسەندىلىگى قالاي؟ – بۇگىنگى كۇنى وبلىستىق قازاق­ستان حالقى اسسامبلەياسىندا 22 ەتنومادەني ۇيىم مەن 11 جاستار كلۋبى جۇمىس ىستەيدى. اۋدانداردا 95 بىرلەستىك قۇرىلعان. قاي-قاي­سىسى بولسىن وسكەلەڭ ۇرپاقتى قازاق­ستاندىق پاتريوتيزم رۋحىن­دا تاربيەلەۋدى, تۇتاستىق پەن ۇلتتىق بىرلىكتى قالىپتاستىرۋدى باستى ماقسات ەتەدى. ورتالىقتىڭ قۇرىلعانى بۇگىنگىدەي كوز الدىمىزدا. تۇڭعىش جەتەكشىلىگىنە پەدينسيتۋتتىڭ جاس مامانى كامال دجان­كيشيوعلى سايلاندى. قاتارىمىز ساناۋلى بولعانىمەن, قىرۋار جۇمىستار اتقارىلدى. اتاموعلان ميرزوەۆ, گيۋلا­گا يلدىرىموۆ باسقارعان تۇستاردا كوپ­تەگەن تىڭ باستامالار دۇنيەگە كەلىپ, قازاقتىڭ قاسيەتتى قاراشاڭىراعى استىندا ۇلتارالىق, كونفەسسياارالىق تاتۋ-تاتتىلىكتى ۇزبەي ناسيحاتتاپ كەلەمىز. قوعامدىق ءىس-شارالارعا جوعارى سانالىلىقپەن قاتىساتىن قانداس­تارىمىز بارشىلىق. ولاردىڭ اراسىندا مارقۇم تاحير مۇساەۆتىڭ ەسىمى ۇلكەن قۇرمەتپەن اتالادى. ول تاۋەلسىزدىكتىڭ تۋى جەلبىرەگەن جىلدارى ەلباسىمىزدىڭ سايا­ساتىن جان-تانىمەن قولداپ, ەل يگىلىگى جولىندا ولشەۋسىز قىزمەت اتقاردى. بۋلاەۆو ستانساسىندا مەشىت قۇ­رى­لىسىنا قارجىلىق قولداۋ كور­سەتىپ, اباي, ماعجان كوشەلەرىن كوگالداندىرۋ مىندەتىن ءوز موينىنا الدى. س.مۇقانوۆ اتىنداعى قازاق سازدى-دراما تەاترىن جاڭعىرتۋ ىسىنە العاش ءۇن قاتىسۋشىلاردىڭ ءبىرى بولدى. سول سياقتى «كاراياز» جشس-ءنىڭ ديرەكتورى ميراحمەد گاسانوۆ تا وبلىس ەكونوميكاسىنىڭ دامۋىنا زور ۇلەس قوسىپ كەلەدى. ول 500 ادامعا جۇمىس تاۋىپ بەرىپ وتىر. ناۋرىز مەرەكەسى قارساڭىندا جەتىم جانە اتا-انالاردىڭ قامقورلىعىنسىز قالعان وبلىستىق مەكتەپ-ينتەرناتقا اپارعان سىي-سياپاتتاردى ساتىپ الۋعا قوماقتى قارجى ءبولدى. راسۋل داداشوۆ, سياۆۋش زەينالوۆ, چينگيز كۋربانوۆ, تاعى باسقا القا مۇشەلەرى بالالاردان ايالى الاقان جىلۋىن اياعان ەمەس. – تاعى قانداي ءىس-شارالارعا مۇرىندىق بولىپ جۇرسىزدەر؟ – قازاقستان حالقى اسسامبلەيا­سىنىڭ سەسسيالارىندا توراعامىز نۇرسۇلتان نازارباەۆ الدىمىزعا كەلەلى مىندەتتەر قويىپ, بەيبىت­شى­لىكتى, كەلىسىمدى ودان ءارى بايان­دى ەتۋدىڭ ۇلگى-ونەگەلەرىن ۇسى­نىپ كەلەدى. وسىنداي سىندارلى ساياساتتىڭ ارقاسىندا قازاق­س­تان­دا ءوزارا سىيلاستىق پەن ءتۇسىنىس­تىككە نەگىزدەلگەن احۋال ورنادى. بۇل ورايدا, قازاقستان حالقى اسسامبلەياسىنىڭ 2020 جىلعا دەيىنگى دامۋ تۇجىرىمداماسىنىڭ قابىلدانۋىنىڭ ءمان-ماڭىزى زور. بەيبىتشىلىك پەن قازاقستاندىقتاردىڭ بىرلىگى توعىسقان جەردە الەۋمەتتىك, ەكونوميكالىق ورلەۋدىڭ زور مۇمكىن­دىكتەرى پايدا بولدى. الەمدىك دامۋدىڭ الدىڭعى لەگىنە قوسىلۋعا بەت بۇردىق. قازاق ۇلتىنىڭ بىرىكتىرۋشىلىك ءرولى الدەقاشان مويىندالعان. ونى كۇندەلىكتى ومىردە سەزىنىپ ءجۇرمىز. ءبىز, ازەربايجاندار, انا تىلىمىزدە وقۋ, سالت-ءداستۇرىمىزدى وزگە ەتنوس وكىلدەرىنە كورسەتۋ, قىزىقتى دا تانىمدى شارالار وتكىزۋ مۇمكىندىگىنە يەمىز. وزگە دە ەتنومادەني ءبىر­لەستىكتەرمەن ناۋرىز مەيرامىن, سابانتوي, «پوكروۆسكي پەرەز­ۆون» سلاۆيان مادەنيەتى كۇن­دەرىن, 1 مامىر – قازاقستان حالقى­نىڭ بىرلىگى كۇنى مەيرامىن, استانا, پەتروپاۆل قالالارىنىڭ كۇندەرىن, وڭىرلىك بايقاۋلاردى, روج­دەستۆو­لىق كەزدەسۋلەردى, جاستار قاناتى شەڭبەرىندە تاۋەلسىزدىك كۇنىنە ار­نال­عان «قازاقستاندا ءومىر ءسۇر­گەنىمىزگە ماقتانامىز» اتتى فەستي­ۆالدى بىرلەسە وتكىزەمىز. «نۇر وتان» پارتياسىمەن تاقىرىپتىق كەشتەر, دوڭگەلەك ۇستەلدەر ۇيىمداس­تىرىپ, «بىرلىك قايدا بولسا, ەركىندىك سوندا, ەركىندىك قايدا بولسا, ەلدىك سوندا» دەگەن ءتامسىلدىڭ ءمان-ماعىناسىن ۇقتىرۋعا تىرىسامىز. – №17 ۇلتتىق وركەندەۋ مەكتەپ كەشەنى­مەن بايلانىسىپ تۇراسىزدار ما؟ – پاتريوتتىق, وتانشىلدىق سەزىمى جوعارى, رۋحاني جان دۇنيەسى كەڭ ەلىمىزدىڭ سانالى ازاماتىن تاربيەلەۋ الدىمىزداعى باسىم باعىتتاردىڭ ءبىرى بولىپ تابىلادى. پرەزيدەنتىمىزدىڭ جاستارعا ارنايى قايىرىلىپ, ءسوز ارناۋى تەكتەن تەك بولماسا كەرەك. وسى تۇرعىدان العاندا, ۇلتتىق وركەندەۋ مەكتەبى اسسامبلەيانىڭ مادەني-ءبىلىم بەرەتىن وشاعىنا اينالىپ, ءتۇرلى باعدارلامالار بويىنشا جۇمىس ىستەپ كەلەدى. قازىر وندا 9 ۇلت وكىلىنە جالپى ءبىلىم بەرۋمەن قاتار, ءوز ءتىلى مەن مادەنيەتىن وقىپ-ۇيرەنۋگە بارلىق جاعداي جاسالعان. سونداي-اق, قازاق حالقىنىڭ سالت-داستۇرلەرى دە كەڭىنەن تانىستىرىلادى. ازەربايجان ءتىلىنىڭ مۇعالىمى گ.دجافاروۆ الماتى قالاسىندا وتكەن «وقىتۋ بارىسىندا تىلدەردى مەڭگەرۋدە يننوۆاتسيالىق جانە ينتەراكتيۆتى ادىستەردى قولدانۋ» رەسپۋبليكالىق عىلىمي-ادىستەمەلىك سەمينارىندا ءبىلىمىن جەتىلدىرگەنىن ايتا كەتكەن ءجون. ال ەتنوبىرلەستىكتىڭ تاعى ءبىر مۇشەسى گيۋللۋ گاسانوۆا تاراز قالاسىندا وتكەن رەسپۋبليكالىق پاندەر وليمپياداسىندا ورىس تىلىندە وقىتاتىن مەكتەپتەردەگى قازاق ءتىلى مەن ادەبيەتى ءپانى بويىنشا ەكىنشى ورىندى يەلەندى. اعا بۋىننىڭ ەلگە, جەرگىلىكتى ۇلتقا, تىلىنە, تاريحىنا دەگەن قۇرمەتىن, سىيلاستىعىن كورىپ وسكەن بالا تەك وسى ىزگى جولدى تاڭدارى انىق. ەل جاراستىعى ەرەن قازىنا ەكەنىن ءبىر ءسات تە ەستەن شىعارماۋىمىز كەرەك. قازاقستانداعى ۇلتارالىق دوس­تىقتى نىعايتۋعا اسسامبلەيا مۇشە­لەرى عانا ەمەس, بارشا جۇرت بولىپ اتسالىسقان ءجون دەگىم كەلەدى. اڭگىمەلەسكەن ءومىر ەسقالي,  «ەگەمەن قازاقستان». پەتروپاۆل.