قازاقستان مەن اقش مەملەكەتتىك قىزمەت سالاسىنداعى ىنتىماقتاستىقتىڭ ءارى قارايعى پەرسپەكتيۆالارى ايقىندالدى
اقش-قا (ۆاشينگتون) جاساعان جۇمىس ساپارى بارىسىندا مەملەكەتتىك قىزمەت ىستەرى اگەنتتىگىنىڭ توراعاسى ءاليحان بايمەنوۆ اقش پەرسونالدى باسقارۋ كەڭسەسىنىڭ ديرەكتورى كەترين ارچۋلەتامەن كەزدەستى.
تاراپتار مەملەكەتتىك قىزمەت سالاسىنداعى, ونىڭ ىشىندە ىنتىماقتاستىق تۋرالى مەموراندۋم شەڭبەرىندەگى ىنتىماقتاستىقتىڭ قارقىندى دامۋىن اتاپ ءوتتى.
تاراپتار, سونداي-اق, مەملەكەتتىك قىزمەتتى جەتىلدىرۋ سالاسىندا ەكىجاقتى ىنتىماقتاستىق جانە استاناداعى مەملەكەتتىك قىزمەت سالاسىنداعى وڭىرلىك حاب شەڭبەرىندەگى ءارى قارايعى كوپجاقتى ىنتىماقتاستىق تۋرالى كەلىسىمگە قول جەتكىزدى.
«ەگەمەن-اقپارات».