قىزىلوردا وبلىسىنىڭ كاسىپوداقتار ورتالىعى كاسىپوداق ۇيىمىن قۇرۋ باستاماسى ءۇشىن 2021 جىلدىڭ قىركۇيەك ايىندا جۇمىستان شىعارىلعان «كازپەترولگرۋپپ» مۇناي كومپانياسىنىڭ 12 قىزمەتكەرىنىڭ قۇقىعىن قورعاي الدى. جۇمىس بەرۋشى مەن جۇمىسشىلاردىڭ باستاماشىل توپ مۇشەلەرى اراسىنداعى سوت ءىسى كاسىپوداقتار فەدەراتسياسىنىڭ ەرەكشە نازارىندا بولدى.
قركف توراعاسىنىڭ تاپسىرماسى بويىنشا قىزىلوردا وبلىسىنىڭ كاسىپوداقتار ورتالىعىنىڭ وكىلدەرى مارات بايىمبەتوۆ پەن مايرا بورانباەۆا وبلىستىق ەڭبەك ينسپەكتسياسىمەن بىرگە سوت پروتسەسى بارىسىندا جۇمىسشىلاردى قورعاۋعا بەلسەنە قاتىستى. سونىمەن قاتار كاسىپوداقتار ورتالىعىنىڭ باستاماسىمەن بۇل ماسەلە الەۋمەتتىك ارىپتەستىك جونىندەگى وبلىستىق ۇشجاقتى كوميسسيانىڭ قاراۋىنا شىعارىلىپ, كاسىپوداق الاڭىندا جۇمىس بەرۋشىمەن دە بىرنەشە رەت تالقىلاندى.
جۋىردا سوت جۇمىس بەرۋشىنىڭ جۇمىسكەرلەرمەن ەڭبەك شارتىن بۇزۋ ارەكەتىن زاڭسىز دەپ تانىپ, ءىستى توقتاتتى. قىزىلوردا قالالىق سوتىنىڭ سۋدياسى م.توعىزباەۆا ازاماتتاردى ءوز جۇمىستارىنا قايتا تۇرۋى جانە ءماجبۇرلى بوس جۇرگەن ۋاقىتتارىنا جالاقى تولەۋ تۋرالى ارىزدارىن قاناعاتتاندىرۋ تۋرالى بىلىكتى, ءادىل شەشىم شىعاردى.
سوت جۇمىس بەرۋشى ەڭبەك شارتىن بۇزعاندا باسشىلىققا العان ەڭبەك شارتىن ەڭبەك كودەكسىنەن 2020 جىلعى 4 مامىرداعى وزگەرىستەرمەن الىنىپ تاستالعان 50-باپتىڭ 3-تارماعى بويىنشا بۇزۋى زاڭسىز, بۇل نورما ازاماتتاردىڭ ەڭبەك قۇقىعىن ناشارلاتاتىن نورما دەپ تانىدى.
قۇقىقتارى قورعالعان جۇمىسكەرلەردىڭ ءبىرى ازامات قالجانوۆ ارىپتەستەرىنىڭ اتىنان الەۋمەتتىك-ەڭبەك قۇقىقتارىن قورعاۋعا اتسالىسقان كاسىپوداقتارعا العىسىن ءبىلدىردى.
«سوت پروتسەسى ءبىزدىڭ, ياعني جۇمىستان نەگىزسىز بوساتىلعان 12 جۇمىسكەردىڭ تالاپ ارىزدارىن تولىق قاناعاتتاندىردى. ادىلدىك جەڭدى. سوت توراعاسىنىڭ شەشىمىمەن ءبىز جۇمىسىمىزعا قايتا ورنالاستىق. كاسىپوداقتاردىڭ كومەگىنسىز ءبىز بۇعان قول جەتكىزە الماس ەدىك. ءبىزدىڭ مۇڭىمىزدى, نارازىلىعىمىزدى تىڭداپ, سوناۋ 2021 جىلدىڭ قىركۇيەك ايىنان باستاپ, ءوز قولىمەن جەتەكتەپ, ءار ەسىكتىڭ, ءار مەكەمەنىڭ تابالدىرىعىن توزدىرىپ, مەزگىلسىز بولسا دا, بوس ۋاقىتىنىڭ بارلىعىن بىزگە ارناپ كومەك كورسەتىپ كەلگەن, ءالى دە كومەكتەسۋدەن تايىنبايتىن كاسىپوداقتار ورتالىعىنىڭ وكىلدەرى مارات بايىمبەتوۆ پەن مايرا بورانباەۆاعا 12 جۇمىسكەردىڭ جانە ولاردىڭ وتباسىنان, اعايىن تۋىس-باۋىرلارىنان شەكسىز العىس!», دەيدى ازامات قالجانوۆ.
ايتا كەتۋ كەرەك, باستاماشىل توپ مۇشەلەرى الداعى ۋاقىتتا كاسىپوداق ۇيىمىن قۇرۋدى جوسپارلاپ وتىر. بۇل ەڭبەك ۇجىمىنداعى جاعدايدىڭ ودان ءارى دامۋى قازاقستان رەسپۋبليكاسى كاسىپوداقتار فەدەراتسياسىنىڭ باقىلاۋىندا بولادى.