قازاقستاننىڭ ءۇش وبلىسىندا 23 اقپاندا بوران, تۇمان جانە باسقا دا قولايسىز اۋا رايى كۇتىلۋدە, دەپ حابارلايدى Egemen.kz.
23 اقپاندا سولتۇستىك قازاقستان وبلىسىنىڭ تۇندە شىعىسىندا, كۇندىز سولتۇستىگىندە جاياۋ بۇرقاسىن, كوكتايعاق بولادى. وبلىستىڭ وڭتۇسىگىندە تۇمان كۇتىلۋدە.
وڭتۇستىك-باتىستان جەل سوعادى, سولتۇستىك-باتىستا جەلدىڭ ەكپىنى 15-20 م/س جەتەدى. پەتروپاۆلدا 23 اقپاندا كۇندىز جاياۋ بۇرقاسىن, وڭتۇستىك-باتىستان سوعاتىن جەل ەكپىنى 15-20 م/س جەتەدى.
باتىس قازاقستان وبلىسىنىڭ سولتۇستىگىندە 23 اقپاندا تۇمان كۇتىلۋدە. ورالدا 23 اقپاندا تۇندە جانە تاڭەرتەڭ تۇمان بولادى.
اقتوبە وبلىسىنىڭ سولتۇستىگىندە, وڭتۇستىك-باتىسى مەن ورتالىعىندا 23 اقپاندا تۇمان كۇتىلۋدە. اقتوبەدە 23 اقپاندا تۇندە جانە تاڭەرتەڭ تۇمان تۇسەدى.