پاۆلوداردا بولعان جول اپاتى سالدارىنان زەينەتكەر كوز جۇمدى, ال كۇدىكتى وقيعا ورنىنان قاشىپ كەتكەن, دەپ حابارلايدى Egemen.kz.
«19 اقپاندا ساعات 07:20-دا كوسموناۆتتار كوشەسىندە Daihatsu Terios اۆتوكولىگىنىڭ 33 جاستاعى جۇرگىزۋشىسى 1948 جىلى تۋعان جاياۋ جۇرگىنشىنى قاعىپ كەتتى. ەر ادام العان جاراقاتتارىنان وقيعا ورنىندا قايتىس بولدى. سوت-مەديتسينالىق ساراپتاما تاعايىندالدى. تەكسەرۋ جۇرگىزىلەدى», دەدى پاۆلودار وبلىسى پد باستىعىنىڭ ءبىرىنشى ورىنباسارى جاسقايرات قايىروۆ.
پوليتسيانىڭ حابارلاۋىنشا, 33 جاستاعى جۇرگىزۋشى وقيعا ورنىنان قاشىپ كەتكەن. جەدەل-ىزدەستىرۋ ءىس-شارالارىنىڭ ناتيجەسىندە پوليتسيا قىزمەتكەرلەرى جۇرگىزۋشىنى ۇستادى.
اۆتوكولىك ارنايى ايىپ تۇراعىنا قامالدى.