اتىراۋدا زاڭسىز قارۋ تاسىمالداۋمەن اينالىسقان, 9 ادامنان قۇرالعان قىلمىستىق توپ ۇستالدى, دەپ جازادى Egemen.kz وبلىستىق پوليتسيا باسقارماسىنىڭ ءباسپاسوز قىزمەتىنە سىلتەمە جاساپ.
ولار ءتۇرلى اتىس قارۋىن زاڭسىز ساقتاۋ جانە تاسىمالداۋمەن اينالىسقان.
قىلمىستىق توپ قۇرامىندا 23-27 جاس ارالىعىنداعى اتىراۋ قالاسىنىڭ تۇرعىندارى بارى انىقتالدى. تەكسەرۋ كەزىندە 26 جاستاعى كۇدىكتىدەن سەريا ءنومىرى وشىرىلگەن تاپانشا, ال 25 جاستاعى كۇدىكتىدەن تراۆماتيكالىق تاپانشا تابىلىپ, تاركىلەندى.
سونداي-اق, اتىراۋداعى ساتپاەۆ كوشەسىندە ورنالاسقان ۇيلەردىڭ بىرىندە ورنالاسقان قويمادان ءۇش اتىس قارۋى مەن ەكى شولاق مىلتىق پەن وق-دارىلەر تاركىلەندى.
كۇدىكتىلەردىڭ ەكەۋى بۇرىن قارۋمەن جاسالعان بۇزاقىلىق دەرەگىمەن ءىستى بولعانى انىقتالدى. قازىر ۇستالعاندارعا قاتىستى قر قىلمىستىق كودەكسىنىڭ 287-بابىنىڭ 1-بولىگىمەن سوتقا دەيىنگى تەرگەۋ باستالدى.
وزگە اقپارات قر قىلمىستىق-پروتسەستىك كودەكسىنىڭ 201-بابىنا سايكەس جاريالاۋعا جاتپايدى.