15 اقپان كۇنى اتىراۋ قالاسىنداعى مەكتەپتەردىڭ بىرىندە 7 سىنىپتا وقيتىن وقۋشى مۇعالىمىنە اناسىنىڭ ىشىمدىك ىشەتىنىن ايتىپ, شاعىمدانعان, دەپ حابارلايدى Egemen.kz.
«وسىعان بايلانىستى, اتىراۋ قالاسى پوليتسيا باسقارماسىنىڭ قىزمەتكەرلەرى ءبىلىم بەرۋ ۇيىمىنىڭ قىزمەتكەرلەرىمەن بىرلەسىپ, اتالعان وقۋشىنىڭ ءۇيىن تەكسەرۋگە بارعان ۋاقىتتا ءجاسوسپىرىم قىزدىڭ 47 جاستاعى اناسىنىڭ ماس كۇيدە ەكەندىگى انىقتالعان», دەپ جازىلعان حابارلامادا.
وعان مەديتسينالىق ساراپتامانىڭ جەڭىل دارەجەلى ماساڭ كۇيدە دەپ بەرگەن قورىتىندىسى دالەل بولعان.
«بۇل جاعداي بۇرىن دا 47 جاستاعى ايەل ادامنىڭ تاراپىنان بىرنەشە رەت قايتالانۋىنا بايلانىستى, بالالارىنىڭ تاربيەسىمەن اينالىسپاعانى ءۇشىن, ازاماتشاعا قاتىستى قر اقبتك-ءنىڭ 127 بابىنىڭ 2 بولىمىمەن اكىمشىلىك حاتتاما جاساقتالىپ, جيناقتالعان ءىس-قۇجاتتار زاڭدى شەشىم قابىلداۋ ءۇشىن سوتقا جولداندى», دەدى پب ءباسپاسوز قىزمەتىندەگىلەر.
ەندى اتالعان ازاماتشاعا قاتىستى جيناقتالعان ءىس-قۇجاتتار اتىراۋ قالاسى اكىمدىگى جانىنداعى كامەلەتكە تولماعانداردىڭ قۇقىعىن قورعاۋ كوميسسياسىنا جولداناتىن بولادى.