ورتا سالماقتاعى قازاقستاندىق بوكسشى قانات يسلام (28-0, 22 KO) ءوزىنىڭ كەلەسى كەزدەسۋىن 25 اقپاندا وتكىزەدى.
رroboxpromotions.us باسىلىمىنىڭ مالىمەتى بويىنشا, قازاقستاندىق بوكسشى فلوريدا شتاتىنىڭ (اقش) پلانت-سيتي قالاسىندا وتەتىن جەكپە-جەك كەشىندە جۇدىرىقتاسادى. ونىڭ بۇل جولعى قارسىلاسى – الەم چەمپيونى اتاعىنان ۇمىتكەر بولعان ۇلىبريتانيا وكىلى دجيممي كەللي (25-2, 10 كو). ProBox Promotions پروموۋتەرلىك كومپانياسى بۇل ايقاستا ورتا سالماقتا WBO Global بەلبەۋى ساراپقا سالىناتىنى تۋرالى اقپاراتتى دا تاراتتى.
ايتا كەتەيىك, قانات يسلام ءوزىنىڭ سوڭعى كەزدەسۋىن 2021 جىلدىڭ 20 اقپانىندا ماياميدە وتكىزىپ, ەكۆادورلىق دجەيسون ميندانى (14-5-1, 8 كو) جەتىنشى راۋندتا تەحنيكالىق نوكاۋتپەن جەڭگەن ەدى.