مەملەكەت باسشىسى قاسىم-جومارت توقاەۆ Qazaqstan ارناسىنا بەرگەن ارنايى سۇحباتىندا قاڭتار قاسىرەتىندە پرەزيدەنت رەتىندە قانداي وي تۇيگەنىن ايتىپ بەردى, دەپ حابارلايدى Egemen.kz.
قاڭتاردىڭ قاسىرەتتى كۇندەرىندە حالقىمىز باسىنان قيىن ساتتەردى وتكەردى. لاڭكەستەر ەلدەگى جاعدايدى پايدالانىپ, ەگەمەندىگىمىزگە قول سۇقپاق بولدى. دەسە دە, تاۋەلسىزدىگىمىزدى ساقتاي الدىق. ارقايسىمىز دا بۇدان وي تۇيدىك. وسى ارادا قاسىم-جومارت توقاەۆ بۇل وقيعادان پرەزيدەنت رەتىندە قانداي ساباق العانىن ايتتى.
«مەن مەملەكەت باسشىسى رەتىندە نۇرسۇلتان ءابىش ۇلى نازارباەۆتىڭ ەڭبەگىن جوققا شىعارۋعا بولمايدى دەپ ويلايمىن. تاريحقا قيانات جاساماۋ كەرەك. ونىڭ قىزمەتىنە ءادىل باعا بەرۋىمىز كەرەك. تۇڭعىش پرەزيدەنتتىڭ كەمشىلىكتەرى بولسا, ودان جاس باسشىلار ساباق الۋى كەرەك. قاڭتار وقيعاسى ەلىمىزگە دە, مەنىڭ وزىمە دە ۇلكەن ساباق بولعانى ءسوزسىز. ءتيىستى قورىتىندى جاسالدى. قازىر ەلىمىزدە بولىپ جاتقان ساياسي شەشىمدەر - سونىڭ ناتيجەسى. الدىمىزدا وتە كوپ جۇمىس بار. مۇنى بارلىعى كورىپ, ءبىلىپ وتىر دەپ ويلايمىن», دەدى پرەزيدەنت.