فۋتبول جانكۇيەرلەرى ەكى ايدان بەرى تاعاتسىزدانا كۇتكەن چەمپيوندار ليگاسىنىڭ تاريحي كەزەڭى باستالدى. سەبەبى بيىلعى پلەي-وفف ساتىسىنان باستاپ اتالعان تۋرنيردە سىرت الاڭدا سوعىلعان گولدىڭ ماڭىزدىلىعى جويىلعان بولاتىن.
1/8 فينالدىڭ ورتالىق ويىنىندا ءمادريدتىڭ «رەالى» مەن ءپاريجدىڭ پسج كلۋبتارى كەزدەسىپ, ماتچ فرانتسيالىق كوماندانىڭ جەڭىسىمەن اياقتالدى – 1:0. الاڭ يەلەرىنىڭ باسىمدىعىمەن وتكەن ويىننىڭ (سوققىلار: 22-3) 90+4-مينۋتىندا مباپپە جەڭىس گولىن سوقتى. كەزدەسۋدىڭ 61-مينۋتىندا مەسسيدىڭ پەنالتيدەن تەپكەن دوبىن «رەال» قاقپاشىسى كۋرتۋا قايتارا ءبىلدى.
ال پورتۋگالياعا ساپار شەككەن انگليانىڭ «مانچەستەر سيتي» ۇجىمى «سپورتينگ» قاقپاسىنا جاۋاپسىز بەس گول سوعىپ, شيرەك فينالدىڭ تاعدىرىن الدىن الا شەشىپ قويدى دەسەك تە بولادى. «سيتي» ساپىنان سيلۆا ءدۋبلدىڭ اۆتورى اتانسا, ماحرەز, فودەن جانە ستەرلينگ ءبىر مارتەدەن كوزگە ءتۇستى. قارىمتا كەزدەسۋلەر 9 ناۋرىزعا جوسپارلانعان.