ماسەلە: دەرەك پەن دايەك

ۇكىمەت قاۋلىسىمەن بەكىتىلگەن جاڭاوزەن قالاسىن دامىتۋدىڭ كەشەندى جوسپارىنىڭ اياسىندا اتقارىلۋداعى اۋقىمدى جۇمىس­تار­مەن تانىسىپ, وزەندىكتەرمەن ءجيى كەزدەسۋ وبلىس اكىمى قىرىم­بەك كوشەرباەۆتىڭ قالىپتاسقان داعدىسى. وسى جىلدىڭ ءۇش ايىندا عانا 1705 ادام جۇمىسپەن قامتى­لىپ­تى. بۇل وتكەن جىلعىدان 2,1 ەسە كوپ. شاعىن كاسىپكەرلىك سۋبەك­تىلەرىنە نەسيە بەرۋدە بانكتەر مەن كەلىسىم-شارتقا وتىرۋ وسە تۇسكەن. قالانى سۋمەن, جىلۋمەن, گازبەن جابدىقتاۋدى ودان ءارى ۇل­عايتا ءتۇسۋدىڭ جوبالىق-سمەتالىق قۇجاتتارى جاسالىپ, مەملەكەتتىك ساراپتامادان وتكىزىلۋدە. قالا جول­دارىن سالۋ مەن كۇردەلى جون­دەۋگە 500 ملن.تەڭگە قارالىپتى. كەشەندى جوسپارعا ساي الەۋمەت­تىك سالا ءۇشىن 12 نىسان قۇرى­لىسى باستالماقشى. سونداي-اق قالانى كورىكتەندىرۋ, كوگالدان­دىرۋعا بولىنگەن قارجى كولەمى دە وتكەن جىلعىدان  ەداۋىر كوبەيتىلىپتى.

جولامان بوشالاق, ماڭعىستاۋ وبلىسى, جاڭاوزەن قالاسى.

139 000 000 وبلىس ورتالىعىنداعى “اۆتوپارك” جشس وسىنشاما قارجىعا سالونىنا 110 جولاۋشى الا الاتىن  سىيىمدىلىعى ۇلكەن “لياز” ماركالى 15 اۆتوبۋس ساتىپ الدى. ولاردىڭ ارقايسىسى 9,2 ميل­ليون تەڭگە تۇرادى. بۇل اۆتو­بۋس­تار قالانىڭ ورتالىق كوشە­لە­رىن­دەگى باعىتتارعا جىبەرىلدى. سەرىك­تەستىك تاعى دا سىيىمدىلىعى ۇل­كەن قىتايدا شىعارىلعان 10 اۆ­توبۋس اكەلمەك. مۇنداي اۆتو­بۋس­تاردىڭ باعىتتارعا شىعارىلۋى جولاۋشىلارعا قولايلى  جانە تاسىمال قىزمەتىنىڭ ساپاسىن ارت­تىراتىن بولادى. اقتوبە قالاسىنداعى جولاۋ­شى­لار  تاسىمالىن اتقاراتىن ىرگەلى كاسىپورىن – “اۆتوپارك” جشس جىل وتكەن سايىن اۆتوبۋس پاركىن جاڭارتۋعا كوڭىل ءبولىپ كەلەدى.

ساتىبالدى ءساۋىرباي, اقتوبە وبلىسى.

68 000 000 “اۆرورا اگرو” شارۋا قوجالىعىنداعى جاقسى باستاماعا وسىنشاما تەڭگەنىڭ ينۆەستيتسياسى تارتىلعان. ءوڭىر حالقىن ازىق-ت ۇلىكپەن قامتاماسىز ەتۋ جانە ەكولو­گيا­لىق جاعىنان ساپالى ءونىم ءوندىرۋ كۇن تارتىبىنە وتكىر قويىلىپ, ناتيجەسىندە جىلىجايلار قاتارى تولىعۋدا. وسى ورايدا قاراساي اۋدانى, ەلتاي سەلولىق وكرۋگىن­دەگى “اۆرورا اگرو” شارۋا قوجا­لىعى  بۇدان بىرەر جىل بۇرىن 9900 شارشى مەتر اۋماقتىڭ ءبىر بولىگىنە جوبا بويىنشا 30 جى­لى­جاي سالىپ, جۇمىسىن باستاعان ەدى. بيىلعى اقپان ايىنىڭ سو­ڭىندا ەگىلگەن قيار, قىزاناق ونىم­دەرى ماۋسىم ايىنىڭ العاش­قى ونكۇندىگىندە تۇتىنۋشى داستارحانىنا تۇسپەك. شا­رۋا قوجالىعى كۇن جى­لىنعان قازىرگى كەزدە ار­تىق كوشەتتەردى دالاعا, جىلى­جايدىڭ ەكىنشى بولىگىنە كوشىرە ەگىپ, ولاردان ءونىم الۋدى قوڭىر كۇزگە دەيىن جالعاستىرۋدى كوزدەپ وتىر. شارۋاشىلىقتاعى قات-قابات ارەكەتتەردى باستاۋ مەن دا­مىتۋعا 68 ملن. تەڭگە ينۆەستيتسيا تارتىلىپ, قىسقا مەرزىمدە اتالعان باعىتتارداعى جۇمىستار­دىڭ تياناعى كەلتىرىلىپتى. قازىر وندىرىستەگى ءونىم كولەمى 127,5 توننانى قۇرا­عان. مۇندا 40-قا جۋىق ادام ەڭبەك ەتىپ, ەكولو­گيالىق جاعىنان تازا ونىمدەردى تۇتىنۋشىعا ۇسىنۋ جالعاسۋدا.

كۇمىسجان بايجان, الماتى وبلىسى.