قر ءىىم تەرگەۋ دەپارتامەنتىنىڭ باستىعى سانجار ءادىلوۆ قاڭتار وقيعاسىنا قاتىسى بار 271 ادام كۇزەتپەن ۇستالعانىن ايتتى, دەپ حابارلايدى Egemen.kz.
«ىشكى ىستەر مينيسترلىگى قاڭتار وقيعاسىن تەرگەۋ جۇمىسىن جالعاستىرۋدا. بۇگىنگى تاڭدا ىشكى ىستەر ورگاندارى تەرگەۋشىلەرىنىڭ وندىرىسىندە 2 565 قىلمىستىق ءىس بار. 271 ادام كۇزەتپەن ۇستالۋدا. ۇستاۋ جانە بۇلتارتپاۋ شاراسىن تاڭداۋ تۋرالى بارلىق شەشىمدەر قىلمىستىق پروتسەسس تالاپتارىنا سايكەس ءارى مىندەتتى تۇردە پروكۋراتۋرامەن كەلىسۋ جانە سوت سانكتسياسىمەن قابىلدانۋدا», دەدى ول ورتالىق كوممۋنيكاتسيالار قىزمەتىندەگى بريفينگتە.
سانجار ءادىلوۆتىڭ ايتۋىنشا, ىشكى ىستەر مينيسترلىگىنىڭ وزىندىك قاۋىپسىزدىك دەپارتامەنتى ۇستالعان ازاماتتارعا قاتىستى ءاربىر ءوتىنىش بويىنشا تەكسەرۋ جۇرگىزەدى.
«قازىرگى ۋاقىتتا قۇقىق قورعاۋ ورگاندارى قىزمەتكەرلەرىنىڭ بيلىكتى اسىرا پايدالانعانى تۋرالى 59 ءوتىنىش قارالدى. ولار بويىنشا قىلمىستىق ءىس قوزعالىپ, سىبايلاس جەمقورلىققا قارسى قىزمەتكە بەرىلدى. 18 ءوتىنىش بويىنشا ازاماتتاردان تۇسىنىكتەمە الىنىپ, بەينەجازبالاردى زەرتتەي وتىرىپ, قىزمەتتىك تەكسەرۋ مۇقيات جۇرگىزىلدى. بيلىكتى اسىرا قولدانۋ فاكتىلەرى راستالعان جوق», دەپ قوستى سانجار ءادىلوۆ.