قازاقستان رەسپۋبليكاسى ۇلتتىق قاۋىپسىزدىك كوميتەتى سوتقا دەيىنگى تەرگەۋ اياسىندا دەسترۋكتيۆتى ءدىني اعىم ۇستانۋشىلارىنىڭ توبىن ۇستادى, دەپ حابارلايدى Egemen.kz كوميتەتتىڭ ءباسپاسوز قىزمەتىنە سىلتەمە جاساپ.
«ولار قازاقستان اۋماعىندا ەكسترەميستىك ارەكەتتى ۇيىمداستىرۋ ءۇشىن سوت تىيىم سالعان ءدىني بىرلەستىككە قاتىسقانى جانە ادامداردى ازعىرىپ تارتقانى ءۇشىن كۇدىككە ءىلىندى», دەلىنگەن كوميتەت حابارلاماسىندا.
ۇستالعانداردىڭ ەكەۋى جارىلعىش زاتتاردى ۇرلاپ, زاڭسىز ساقتاعانى ءۇشىن سوتتالدى.
ايىپتالۋشىلاردىڭ تۇرعىلىقتى جەرلەرىندە ءتىنتۋ جۇمىستارىن جۇرگىزۋ كەزىندە ەكسترەميستىك ادەبيەتتەر مەن باسقا دا زاتتاي دالەلدەمەلەر الىندى.
تەرگەۋ امالدارى جالعاسۋدا.