شۆەتسيا سولتۇستىك اتلانتيكالىق اليانسقا مۇشە بولعىسى كەلمەيدى. بۇل ۇستانىمدى پاتشالىق ۇكىمەتى تاعى دا راستادى, دەپ حابارلايدى Egemen.kz.
سىرتقى ىستەر ءمينيسترى ەنن ليندەنىڭ پارلامەنتتە ۇسىنعان 2022 جىلعى سىرتقى ساياسات دەكلاراتسياسىندا ستوكگولم ناتو-نىڭ مۇشەلىگىنە ۇمىتكەر بولمايتىنى انىق جازىلعان.
«شۆەتسيانىڭ قاۋىپسىزدىك ساياساتى وزگەرىسسىز قالادى. اسكەري وداقتاردان ازاتتىق بىزگە جاقسى قىزمەت ەتەدى جانە سولتۇستىك ەۋروپاداعى تۇراقتىلىق پەن قاۋىپسىزدىككە ىقپال ەتەدى», دەدى سىرتقى ىستەر ءمينيسترى.
دەكلاراتسيادا ەۋروپاداعى شيەلەنىستىڭ ازايۋىنا ديالوگ ارقىلى عانا قول جەتكىزۋگە بولاتىنى, الايدا قارۋلى قاقتىعىس بولعان جاعدايدا شۆەتسيانىڭ ءپاسسيۆتى پوزيتسيا ۇستانبايتىنى اتاپ وتىلگەن.