شىعىس قازاقستان وبلىسىندا بورانعا بايلانىستى بىرقاتار رەسپۋبليكالىق ماڭىزداعى جول جابىلدى, دەپ حابارلايدى Egemen.kz.
شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, اۋا رايىنىڭ ناشارلاۋىنا, ناقتى ايتقاندا بوران مەن جولدىڭ دۇرىس كورىنبەۋىنە بايلانىستى رەسپۋبليكالىق ماڭىزى بار «گلۋبوكوە-رف شەكاراسى» جولى جابىلدى.
«ال قار كوشكىنى ءجۇرۋ قاۋپىنە وراي «وسكەمەن-سەرەبريانسك» توسجولىندا بارلىق كولىك تۇرلەرىنىڭ قوزعالىسىنا تىيىم سالىنعان. سونداي-اق وبلىستىق ماڭىزداعى تايىنتى مەن سامار اۋىلدارىنىڭ اراسىنداعى جول جابىق تۇر», دەلىنگەن اقپاراتتا.
وسى رەتتە, قۇتقارۋشىلار ءوڭىر جۇرتشىلىعىنا الىس ساپارعا شىعار الدىندا جولداردىڭ جاي-كۇيىن «دارمەن» ءموبيلدى قوسىمشاسى ارقىلى تەكسەرىپ وتىرۋعا كەڭەس بەردى.