ايەلدەر تەننيس قاۋىمداستىعى (WTA) سپورتشىلاردىڭ جەكەلەي جانە جۇپتىق باسەكەدەگى رەيتينگتەرىن جاڭارتتى. جەرلەستەرىمىز جۇپتىق باسەكەدە جاڭا رەكورد ورناتسا, جەكەلەي سىنداعى رەيتينگتە تومەن سىرعىدى.
Australian Open-2022 جارىسىنىڭ فينالىندا باق سىناعان قازاقستاندىق اننا دانيلينا جاڭارعان رەيتينگتە ءبىر ساتى جوعارىلاپ, جاڭا رەكورد ورناتتى. ەندى جۇپتىق سىندا ول الەمنىڭ 23-راكەتكاسى سانالادى. بۇل – قازاقستاندىق سپورتشىلار اراسىنداعى ەڭ ۇزدىك كورسەتكىش. ال بۇعان دەيىن 50-ورىندا تۇرعان ەلەنا رىباكينا ءبىر ورىن تومەن سىرعىدى.
ال جەكەلەي رەيتينگكە كەلەر بولساق, بۇعان دەيىن 12-ورىندا تۇرعان ە.رىباكينا 4 ساتى تومەن سىرعىپ, 16-ورىنعا ءتۇسىپ قالدى. سەبەبى ەلەنا سوڭعى كەزدەرى جاراقاتىنا بايلانىستى بىرقاتار جارىسقا قاتىسقان جوق. سونداي-اق ول دۋبايداعى WTA 500 تۋرنيرىنە دە قاتىسۋدان باس تارتتى. دەمەك, كەلەسى رەيتينگتە ول تاعى دا تومەنگە سىرعۋى مۇمكىن. يۋليا پۋتينتسەۆا دا ءبىر ساتى تومەندەپ, 42-ورىنعا جايعاستى. زارينا دياس 117-دەن 114-ورىنعا كوتەرىلدى.