بۇل تۋرالى بۇگىن ۇكىمەت وتىرىسىندا قر يندۋستريا جانە ينفراقۇرىلىمدىق دامۋ ءمينيسترى قايىربەك وسكەنباەۆ ايتتى, Egemen.kz.
ءمينيستردىڭ اتاپ وتۋىنشە, مەملەكەت باسشىسىنىڭ «بايتەرەك» ۇبح» اق-مەن بىرلەسىپ, 2022 جىلعى 1 مامىردا جالعا بەرىلەتىن تۇرعىن ءۇيدى سۋبسيديالاۋعا وتىنىمدەر قابىلداۋ جونىندەگى تسيفرلىق پلاتفورمانىڭ جۇمىس ىستەۋىن قامتاماسىز ەتۋ» تاپسىرماسى بويىنشا جۇمىستار قولعا الىندى.
«تسيفرلىق پلاتفورمانىڭ تەستىلىك نۇسقاسىن 15 ناۋرىزدان باستاپ پيلوتتىق رەجيمدە ىسكە قوسۋدى جوسپارلاپ وتىرمىز. پلاتفورما ەلەكتروندىق تسيفرلىق قولتانبا كومەگىمەن ءوتىنىم بەرۋدى جانە ءوتىنىم بەرۋشىنىڭ تالاپتارعا سايكەستىگىن اۆتوماتتى تۇردە تەكسەرۋدى كوزدەيدى. تەكسەرۋ تسيفرلىق دامۋ, يننوۆاتسيالىق جانە اەروعارىش ونەركاسىبى مينيسترلىگى, ادىلەت مينيسترلىگى, مەملەكەتتىك كىرىستەر كوميتەتى, ءبىلىم جانە عىلىم مينيسترلىگى, ەڭبەك مينيسترلىكتەردىڭ مەملەكەتتىك دەرەكتەر بازالارىمەن ينتەگراتسيالاۋ جولىمەن جۇزەگە اسىرىلاتىن بولادى. وتىنىمدەردى قابىلداۋدى 5 ساۋىردەن باستاۋدى جوسپارلاپ وتىرمىز», دەدى مينيستر.