مەملەكەت باسشىسى نۇرسۇلتان نازارباەۆ بايلانىس جانە اقپارات ءمينيسترى اسقار جۇماعاليەۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
ا.جۇماعاليەۆ پرەزيدەنتكە وتاندىق باق-تىڭ باسەكەلەستىككە قابىلەتتىلىگىن ارتتىرۋ جونىندەگى ءىس-شارالاردى جۇزەگە اسىرۋ بارىسى جانە قازاقستاندىق ينتەرنەت-رەسۋرستارىنىڭ دامۋى تۋرالى باياندادى.
كەزدەسۋدىڭ بارىسىندا سونداي-اق قازاقستاندا تسيفرلىق تەلەۆيزيانى ەنگىزۋ ماسەلەسى تالقىلاندى. ونىڭ ءبىرىنشى كەزەڭىن جۇزەگە اسىرۋعا اعىمداعى جىلدىڭ سوڭىنا دەيىن كىرىسۋ جوسپارلانۋدا.
پرەزيدەنت مينيسترلىكتىڭ باسشىلىعىنا وتاندىق اقپاراتتىق كەڭىستىكتىڭ باسەكەلەستىككە قابىلەتتىلىگىن ارتتىرۋ ءماسەلەسىنە ەرەكشە باقىلاۋ جاساۋدى تاپسىردى, – دەدى جۋرناليستەرگە ارنالعان بريفينگتە ا. جۇماعاليەۆ.