برازيليالىق جارتىلاي قورعاۋشى الەكس برۋنو «ماقتاارال» فۋتبول كلۋبىنىڭ قاتارىنا قوسىلدى دەپ حابارلايدى Egemen.kz Meta-ratings.kz-كە سىلتەمە جاساپ.
ىلگەرىدە «اتىراۋ» فۋتبول كلۋبىندا دوپ تەپكەن برازيليالىق فۋتبولشى جاڭا كومانداسىنىڭ ساپىندا جاسىل الاڭعا شىعىپ ۇلگەردى. وزبەكستاندىق «بۋنەدكور» فۋتبول كلۋبىنا قارسى وتكەن ويىندا تۇركىستان وبلىسىنىڭ كومانداسى 2:1 ەسەبىمەن جەڭىسكە جەتسە, اتالمىش كەزدەسۋدە الەكس برۋنو جەڭىس گولىن سوققان بولاتىن.
«اتىراۋدان» بولەك برازيليالىق فۋتبولشى پولشالىق «ۆيدزەۆ», مولدوۆالىق «زيمبرۋ» برازيليالىق «سانتا-ريتا» سەكىلدى وزگە دە بىرنەشە كوماندا ساپىندا دوپ تەپكەن.