«قازگيدرومەت» رمك الداعى ءۇش كۇنگە ارنالعان اۋا رايى بولجامىن جاريالادى, دەپ حابارلايدى Egemen.kz.
«شىعىس تسيكلوننىڭ ارتىنان, قارا تەڭىز اۋداندارىنان شىققان كەڭ انتيتسيكلون تارالادى. وسىلايشا, سولتۇستىك ايماقتاردا, بۇلتتىلىقتىڭ اشىلۋ جاعدايىندا تۇنگى ۋاقىتتا قارقىندى سالقىنداتۋ بايقالادى. بۇل ءوز كەزەگىندە, قاتتى قاردىڭ سوڭىنان, تۇنگى تەمپەراتۋرانىڭ تومەندەۋىنە اكەلەدى. مۇندا تەرمومەتر باعاندارى 15 جانە 16 اقپانعا قاراعان ءتۇنى 18-23°C-قا دەيىن, كەيبىر ايماقتاردا 27 گرادۋس ايازدى كورسەتەدى.
ەلىمىزدىڭ شىعىسى مەن وڭتۇستىك-شىعىسىندا, انتيتسيكلوننىڭ ىعىسۋىنا قاراي 17 اقپان كۇنى جاۋىن-شاشىننىڭ توقتاتىلۋى جانە اۋا تەمپەراتۋراسىنىڭ تومەندەۋى كۇتىلەدى. بۇل كۇندەرى تۇنگى اۋا تەمپەراتۋراسى رەسپۋبليكانىڭ شىعىسىندا 25-30 گرادۋس ايازعا, وڭتۇستىك-شىعىستا 20-25 گرادۋس ايازعا دەيىن تومەندەيدى», دەلىنگەن «قازگيدرومەت» حابارلاماسىندا.