بەيجىڭدەگى قىسقى وليمپيادا ويىندارىندا بياتلوننان ايەلدەر اراسىنداعى ءىز كەسۋ جارىسى ءوتتى. قازاقستان اتىنان سىنعا تۇسكەن گالينا ۆيشنەۆسكايا-شەپورەنكو دودا قورىتىندىسىندا كوڭىل كونشىتەرلىكتەي ناتيجە كورسەتە المادى, دەپ حابارلايدى Egemen.kz.
ون شاقىرىمدىق ءىز كەسۋ جارىسىن قازاقستان سپورتشىسى بار بولعانى 52 ورىنمەن اياقتادى. ال وزگەلەردەن وق بويى وزىق بولعان نورۆەگيالىق مارتە ولسبيۋ-رويسەلانن وليمپيادا چەمپيونى اتانسا, شۆەتسيالىق ەلۆيرا ەبەرگ كۇمىس جۇلدەنى موينىنا تاقتى. ۇزدىك ۇشتىكتى تاعى ءبىر نورۆەگيالىق سپورتشى تيريل ەكحوفف يەلەندى.