تايلاندتا دەمالىپ جۇرگەن الماتى قالاسىنىڭ 29 جاستاعى تۇرعىنى ۆەرونيكا بىچكوۆا جول اپاتىنا ۇشىراپ, اۋىر دارەجەدەگى دەنە جاراقاتتارىن العان. بۇل تۋرالى Nur Otan پارتياسى الماتى قالالىق فيليالىنىڭ ءباسپاسوز قىزمەتى حابارلادى, دەپ جازادى Egemen.kz.
زارداپ شەككەن ازاماتشانىڭ اناسى لاريسا مەلنيكوۆا Nur Otan پارتياسىنىڭ المالى اۋداندىق فيليالىنىڭ قوعامدىق قابىلداۋ بولمىنە جۇگىندى. ونىڭ ايتۋىنشا, جول اپاتى سالدارىنان ونىڭ قىزى اۋىر دەنە جاراقاتتارىن الىپ, اۋرۋحاناعا تۇسكەن. ال Interteach ساقتاندىرۋ كومپانياسى قولدانىستاعى حالىقارالىق ساقتاندىرۋ شارتى بويىنشا كەلىسىلگەن تالاپتاردى ورىنداۋدان باس تارتىپ, تۋريستكە جاردەم كورسەتپەگەن.
قازاقستاندىق ءتۋريستتىڭ سۇيەكتەرىن قالپىنا كەلتىرۋ ءۇشىن 2 شۇعىل وپەراتسيا جاسالدى. الدا تاعى ءۇش وپەراتسيا وتكىزۋ قاجەت. ءۇش كۇندىك ەمدەۋ مەن وتاعا ەمحانا 6 مىڭ دوللار شوت شىعارعان. قالعان 2 وتانى جاساتۋ ءۇشىن اۋرۋحانادا ماماندار مەن ارنايى قۇرىلعىلار جوق. ۆەرونيكانى باسقا اۋرۋحاناعا تاسىمالداۋ دا قيىندىق تۋعىزىپ وتىر.
الماتىدا Nur Otan-نىڭ قالالىق ماسليحاتتاعى دەپۋتاتى زاۋرەش ومىرباەۆا مەن نۇروتاندىق, زاڭ كونسۋلتانتتارى پالاتاسىنىڭ مۇشەسى نۇرلان سلياموۆ قر ءسىم-گە ءتيىستى حات جولداپ, كومەك كورسەتۋگە كىرىستى.
سونداي-اق ءتۋريستتىڭ بارلىق قولجەتىمدى شارتتارى مەن مەديتسينالىق قۇجاتتارى زەرتتەلدى. بۇگىنگى كۇنى پارتيانىڭ الماتى قالالىق فيليالى ساقتاندىرۋ تولەمدەرىن ءوندىرىپ الۋ بويىنشا جۇمىس جۇرگىزۋدە. بارلىق ءىس-شارالار سەنىمحات پەن وتەۋسىز نەگىزدە جۇزەگە اسىرىلىپ جاتىر.