تاەكۆوندودان قازاقستاننىڭ كادەتتەر قۇراماسى بىرىككەن اراب امىرلىكتەرىنىڭ فۋدجەيرا قالاسىندا وتكەن WT Fujairah Open 2022 حالىقارالىق تۋرنيرىندە ۇزدىك ناتيجە كورسەتتى.
جاس جەرلەستەرىمىز 12 مەن 14 جاس ارالىعىنداعى 300-دەن استام قاتىسۋشىنىڭ اراسىنان ۇزدىك اتاندى. اتاپ ايتقاندا, نۇرپەرزەنت سامات ۇلى (33 كگ), تەمىرجان تاسقىن (41 كگ), الماز امانگەلديەۆ (45 كگ), دوستان ءناجىمحانوۆ (49 كگ), يارينا پۋگانتسوۆا (29 كگ), اقەركە بايمەنوۆا (41 كگ), نۇرايىم جۇمابەك (44 كگ) جانە اينۇر قارجاۋباەۆا (51 كگ) التىننان القا تاقتى.
ال ءامىر اباقوۆ (33 كگ, سۋرەتتە), ميريسلوم ميرزاكاريموۆ (33 كگ), ارمان ساعيدوللا (41 كگ), مارعۇلان يسمايل (45 كگ), ارتۋر پاك (61 كگ), نۇراي امانگەلدى (37 كگ), ادەما بايزاقوۆا (47 كگ), توعجان قازنابەك (55 كگ) پەن ەميليا وسەپيان (59 كگ) ءتۋرنيردىڭ كۇمىس جۇلدەگەرلەرى اتاندى.
حالىقارالىق ءتۋرنيردىڭ قولا جۇلدەسىنە جاسۇلان جاندوس (45 كگ), ءاديا يداشوۆا (41 كگ) مەن الينا يساەۆا (51 كگ) قول جەتكىزدى. ەسكە سالا كەتەيىك, بۇعان دەيىن Fujairah Open 2022 تۋرنيرىندە ەلىمىزدىڭ ەرەسەكتەر كومانداسى 7 مەدال جەڭىپ العان بولاتىن. قازاقستاندىق جاسوسپىرىمدەر دە جاقسى ناتيجە كورسەتتى. ولاردىڭ ەنشىسىندە 15 جۇلدە بار.