رەسەي مەن قازاقستاننىڭ دەنساۋلىق ساقتاۋ مينيسترلىكتەرى COVID-19-عا قارسى ۆاكتسينالاۋ سەرتيفيكاتتارىن تانۋ ءتارتىبى تۋرالى كەلىستى. بۇل تۋرالى رەسەي ءسىم تمد ەلدەرى بويىنشا دەپارتامەنتىنىڭ ديرەكتورى الەكساندر ستەرنيك مالىمدەدى, دەپ جازادى Egemen.kz.
«قولدانىستاعى ساياسي شەشىمنىڭ نەگىزىندە رەسەي مەن قازاقستاننىڭ دەنساۋلىق ساقتاۋ مينيسترلىكتەرى ۆاكتسينالاۋ سەرتيفيكاتتارىن تانۋ ءتارتىبىن كەلىستى. جەكە دەرەكتەردى, مەديتسينالىق قۇپيانى جانە ت.ب. اقپاراتتى قورعاۋدى قامتاماسىز ەتۋ ماقساتىندا تسيفرلىق اگەنتتىكتەر جۇمىسقا قوسىلدى», دەدى ول.
ديپلومات 2021 جىلدىڭ سوڭىندا قاراعاندىدا رەسەيلىك «سپۋتنيك V» ۆاكتسيناسىنىڭ ءوندىرىسى باستالعانىن جانە ۆاكتسينانى زەرتتەۋدىڭ وڭ ناتيجەلەرى الىنعانىن اتاپ ءوتتى.