قر پارلامەنتى ءماجىلىسىنىڭ دەپۋتاتى ايدوس سارىم «جاڭا قازاقستان» دەپۋتاتتىق توبى قانداي وكىلەتتىكتەرگە يە بولاتىنىن ايتتى, دەپ حابارلايدى Egemen.kz.
«جالپى پارلامەنت رەگلامەنتى مەن كونستيتۋتسيالىق زاڭ بويىنشا دەپۋتاتتىق توپ تىركەلگەننەن كەيىن پارلامەنتتىك تىڭداۋلار ۇيىمداستىرۋعا, دەپۋتاتتىق ساۋالدار جولداۋعا, كەز كەلگەن ۇكىمەتتىك ۇيىمنىڭ باسشىسىن شاقىرۋعا, ەسەپتەر الۋعا, قۇجاتتار سۇراتۋعا قۇقىلى. ەستەرىڭىزدە بولسا, سوڭعى شاقىرىلىمدا دەپۋتاتتىق توپتار بولعان جوق. ەڭ الدىمەن, ءبىز ءماجىلىستىڭ, پارلامەنتتىڭ جۇمىسىن بارىنشا جانداندىرۋعا, الەۋەتتى دۇرىس پايدالانۋعا, ىشكى رەفورمالاردى جۇزەگە اسىرۋعا كومەكتەسۋگە ءتيىسپىز. كوپتەگەن باعدارلامالار سىنعا الىندى», دەدى ايدوس سارىم ءباسپاسوز ءماسليحاتىندا.
ماجىلىسمەن بۇگىنگى تاڭدا دەپۋتاتتار قورعاس كەدەنى, كادەگە جاراتۋ الىمى, الماتىداعى «التىن وردا» نارىعى بويىنشا ماسەلەلەردى باقىلاۋدا ۇستاپ وتىرعانىن ايتتى.
ء«بىزدىڭ ويىمىزشا, ەگەر بۇل سۇراقتارعا ارالاسپاساق, باقىلاماساق, وندا ولار كەشىكتىرىلۋى نەمەسە ءتىپتى ورىندالماۋى مۇمكىن. بۇل ماسەلەلەردە ءبىز باق-پەن, ساياسي كۇشتەرمەن تىعىز ءوزارا ءىس-قيمىل جاساپ, ەلدەگى ساياسي-ەكونوميكالىق جانە باسقا دا رەفورمالار مەن جاڭعىرتۋ ۇدەرىستەرىن ىلگەرىلەتۋ ءۇشىن جۇمىس ىستەيتىن بولامىز», دەپ تۇيىندەدى ايدوس سارىم.