قازاقستاندا العاش رەت ءبىلىم بەرۋ ۇيىمدارىنىڭ باسشىلارىن روتاتسيالاۋ باستالدى. بۇل تۋرالى ءبىلىم جانە عىلىم مينيسترلىگىنىڭ ءباسپاسوز قىزمەتى ءمالىم ەتتى, دەپ حابارلايدى Egemen.kz.
اقتوبە وبلىسىنداعى 4 كوللەدجدىڭ, ياعني اقتوبە جوعارى پوليتەحنيكالىق كوللەدجى, اقتوبە گۋمانيتارلىق كوللەدجى, اقتوبە كولىك, كوممۋنيكاتسيا جانە جاڭا تەحنولوگيالار كوللەدجى, اقتوبە جوعارى اۋىل شارۋاشىلىعى كوللەدجىنىڭ ديرەكتورى قايتا تاعايىندالدى.
شەشىمدى مەملەكەتتىك تەحنيكالىق جانە كاسىپتىك ءبىلىم بەرۋ ۇيىمدارىنىڭ باسشىلارىن روتاتسيالاۋ جونىندەگى كوميسسيا قابىلدادى. كوللەدجدەردىڭ جاڭا ديرەكتورلارىنىڭ الدىنا ءبىلىم بەرۋ ساپاسىن ارتتىرۋ جانە كادرلاردى دايارلاۋدى كۇشەيتۋ مىندەتتەرى قويىلدى.
«وتكەن جىلى مينيسترلىك مەملەكەتتىك ءبىلىم بەرۋ ۇيىمدارىنىڭ ءبىرىنشى باسشىلارىن روتاتسيالاۋ ەرەجەلەرىن بەكىتتى. بۇعان دەيىن ۇلكەن جۇمىس اتقارىلدى, نورماتيۆتىك قۇقىقتىق اكتىلەرگە وزگەرىستەر ەنگىزىلدى. بيىل ءبىز مەكتەپتەر مەن كوللەدجدەردىڭ ديرەكتورلارىن روتاتسيالاۋدى باستادىق. ءبىر ۇيىمدا 15-20 جانە ودان دا كوپ جىل جۇمىس ىستەيتىن مەنەدجەرلەر بار. بۇل ۋاقىت ىشىندە ولاردىڭ تيىمدىلىگى تومەندەيدى. روتاتسيانىڭ وڭ اسەرلەرى تۋرالى وسىعان دەيىن دە ايتىلدى.
مىسالى, بۇل بىردەن بىرنەشە ءبىلىم بەرۋ ۇيىمىندا ءتيىمدى باسقارۋشىلاردىڭ الەۋەتىن ارتتىرۋعا مۇمكىندىك بەرەدى. سونىمەن قاتار ول سىبايلاس جەمقورلىق تاۋەكەلدەرىن ازايتۋعا مۇمكىندىك بەرەدى. وكىنىشكە قاراي, ەگەر ادام كوپ جىلدار بويى ءبىر ۇيىمدى باسقارسا ونداي پروبلەما تۋىنداۋى مۇمكىن», دەپ اتاپ ءوتتى ءبىرىنشى ۆيتسە-مينيستر شولپان كارينوۆا.
ەرەجە بويىنشا روتاتسيا ءبىر ءبىلىم بەرۋ ۇيىمىندا 4-7 جىل جۇمىس ىستەيتىن بالاباقشالاردىڭ, مەكتەپتەردىڭ, كوللەدجدەردىڭ ديرەكتورلارىنا قولدانىلادى. بۇل رەتتە ءبىر ءبىلىم بەرۋ ۇيىمىندا 4 جىل قىزمەت اتقاراتىن ءبىرىنشى باسشى روتاتسيادان باس تارتا الادى. بىراق ەگەر ديرەكتور 7 جىلدان استام ۋاقىت جۇمىس ىستەسە, وندا ول مىندەتتى تۇردە روتاتسيالانادى.
«وڭىرلەردىڭ ءبىلىم باسقارمالارى ءبىلىم بەرۋ ۇيىمدارىنىڭ ءبىرىنشى باسشىلارىن روتاتسيالاۋدى ءبىر ەلدى مەكەن ىشىندە جۇرگىزەدى. سونىمەن قاتار قايتا تاعايىنداۋ ءبىر تيپتەگى ۇيىمداردىڭ باسشىلارى اراسىندا جۇزەگە اسىرىلادى.
بۇدان بولەك, روتاتسيا كەزىندە ءبىرىنشى باسشىلاردىڭ بىلىكتىلىك ساناتى ساقتالادى. روتاتسيا ينستيتۋتى ءبىلىم بەرۋ ۇيىمدارىنداعى مەنەدجمەنتتى جاقسارتۋعا جانە ءبىرىنشى باسشىلاردىڭ تيىمدىلىگىن ارتتىرۋعا مۇمكىندىك بەرەدى دەپ كۇتىلۋدە», دەلىنگەن بعم حابارلاماسىندا.