بىلتىر قازاقستانداعى اقىلى اۆتوموبيل جولدارىنان تۇسكەن قاراجات كولەمى 8,1 ملرد تەڭگەنى قۇرادى, دەپ حابارلايدى Egemen.kz.
اتاپ ايتقاندا, جالپى ۇزىندىعى 682 شاقىرىم بولاتىن ءتورت اقىلى جول: «نۇر-سۇلتان - تەمىرتاۋ», «نۇر-سۇلتان - ششۋچينسك», «الماتى - قاپشاعاي» جانە «الماتى - قورعاس» رەسپۋبليكالىق جول ۋچاسكەلەرىنەن 6,9 ملرد تەڭگە ءتۇستى.
سونىمەن قاتار ەلىمىزدە وتكەن جىلدىڭ 23-قاراشاسىنان باستاپ تاعى 7 اقىلى ۋچاسكە جۇمىس ىستەي باستادى. ولار: «تاراز – قاينار», «شىمكەنت – قىزىلوردا», «شىمكەنت – تاراز», «شىمكەنت – وزبەكستان شەككاراسى», «تالدىقورعان – قاپشاعاي», «كوكشەتاۋ – ششۋچينسك», «نۇر-سۇلتان – پاۆلودار» اۆتوجولدارى. بۇل ۋچاسكەلەردە ءبىر ايدان ءسال استام ۋاقىت ىشىندە 1,2 ملرد تەڭگە ءتۇستى.
ايتا كەتەيىك, جينالعان قاراجات اقىلى جولداردى كۇتىپ ۇستاۋعا جانە باعدارلامالىق-اپپاراتتىق كەشەنىن قولداۋعا باعىتتالماق.