حالىقارالىق وليمپيادا كوميتەتى بەيجىڭدەگى قىسقى ويىندارداعى ۇلتتىق قۇرامانىڭ ۇزدىك ءساندى كيىم ۇلگىسى ءتىزىمىن جاريالادى. ۇزدىكتەردىڭ قاتارىنا قازاقستاندىق سپورتشىلاردىڭ كيىم ۇلگىسى كىرگەن, دەپ حابارلايدى Egemen.kz Olympic.kz-كە سىلتەمە جاساپ.
«قازاقستان ءسان سىنىنان ءوتتى», دەلىنگەن حوك مالىمدەمەسىندە.
«ZIBROO سپورتتىق كيىمىنىڭ قازاقستاندىق ءوندىرۋشىسى رەسەيلىك ديزاينەر دميتري شيشكينمەن بەيجىڭ 2022 ءۇشىن ىنتىماقتاسقان. توپتامانىڭ كوك جانە اق تۇستەرى مۇز بەن قاردى بەينەلەيدى, ال قارا ءتۇس ساتتىلىكتى بىلدىرەدى», دەپ اتاپ ءوتتى حالىقارالىق وليمپيادا كوميتەتىنەن.
سونداي-اق حوك ءوز شولۋىندا Forbes جۋرنالىنا سىلتەمە جاساپ, قازاقستاندىق سپورتشىلاردىڭ كيىمىن «ەڭ جاقسى ءسان ديپلوماتياسى» دەپ اتادى.
بۇعان دەيىن امەريكالىق باسىلىم قازاقستاننىڭ وليمپيادالىق فورماسىن دا بەيجىڭدەگى ويىنداردا ەڭ ءستيلدى كيىمدەر رەيتينگىنە قوسقان بولاتىن.
قازاقستانمەن قاتار حالىقارالىق وليمپيادا كوميتەتى مەن Forbes اقش, كانادا, رەسەي, قىتاي, شۆەتسيا جانە گەرمانيا سپورتشىلارىنىڭ وبرازدارىن ەرەكشە اتاپ ءوتتى.
وتكەن جىلى توكيوداعى جازعى وليمپيادا ويىندارىندا قازاقستاندىق سپورتشىلاردىڭ كيىمى ۇزدىك ءسان ۇلگىسى دەپ تانىلعان ەدى.
ەسكە سالساق, بەيجىڭ وليمپياداسىنىڭ اشىلۋ سالتاناتى بۇگىن ەتەدى. وندا قازاقستان قۇراماسىنىڭ وكىلدەرى ابزال اجعاليەۆ پەن ەكاتەرينا ايدوۆا مەملەكەتتىك تۋدى ۇستاپ شىعادى.