4 اقپان كۇنى ەل تەرريتورياسىنىڭ باسىم بولىگىندە جاۋىن-شاشىنسىز اۋا رايى ساقتالادى, دەپ جازادى Egemen.kz.
«قازگيدرومەت» رمك مالىمەتىنشە, ەلىمىزدىڭ باتىسى مەن سولتۇستىگىندە اتموسفەرالىق فرونتالدى بولىكتەر اسەرىنەن سولتۇستىكتە قار جاۋىپ, جاياۋ بۇرقاسىن بولادى. باتىستا جاۋىن-شاشىن (جاڭبىر, قار), كوكتايعاق بولجانادى. رەسپۋبليكا بويىنشا جەكەلەگەن ايماقتاردا تۇمان جانە جەلدىڭ كۇشەيۋى كۇتىلەدى.
الماتى وبلىسىنىڭ سولتۇستىگىندە, وڭتۇستىگىندە, شىعىسىندا تۇمان ءتۇسىپ, 15-20 م/س كۇشەيەدى.
تۇركىستان وبلىسىنىڭ وڭتۇستىگىندە, باتىسىندا, تاۋلى جانە تاۋ بوكتەرلى اۋداندارىندا تۇمان بولادى. كۇندىز تاۋلى اۋدانداردا جەل 15-20 م/س ارتادى.
جامبىل وبلىسىنىڭ سولتۇستىگىندە جانە تاۋلى اۋداندارىندا تۇمان بولجانادى. كۇندىز وبلىستىڭ سولتۇستىك–شىعىسىندا, تاۋلى اۋداندارىندا جەلدىڭ كۇشى 15-20 م/س كۇشەيەدى.
اتىراۋ وبلىسىنىڭ باتىسىنا, ماڭعىستاۋ وبلىسىنىڭ سولتۇستىك-باتىسىنا تۇمان تۇسەدى. اتالعان وڭىرلەردىڭ شىعىسىندا, وڭتۇستىك-شىعىسىندا جەل 15-20 م/س ارتادى.
قوستاناي وبلىسىنىڭ سولتۇستىگىندە, تۇندە سولتۇستىك قازاقستان وبلىسىنىڭ سولتۇستىك-باتىسىندا جاياۋ بۇرقاسىن بولادى, جەلدىڭ جىلدامدىعى 15-20 م/س كۇشەيەدى. اتالعان وڭىرلەردىڭ وڭتۇستىگىندە, وڭتۇستىك-باتىسىن تۇمان باسادى.
اقتوبە وبلىسىندا جەلدىڭ كۇشى 15-20 م/س ارتادى.
كۇندىز قاراعاندى وبلىسىنىڭ باتىسىندا جەلدىڭ ەكپىنى 18 م/س كۇشەيەدى.
اقمولا وبلىسىنىڭ وڭتۇستىگىن, باتىس قازاقستان وبلىسىنىڭ سولتۇستىگىن, شىعىس قازاقستان وبلىسىنىڭ شىعىسىن, قىزىلوردا وبلىسىنىڭ سولتۇستىگىن, ورتالىعىن, پاۆلودار وبلىسىنىڭ سولتۇستىگىن, تۇندە شىعىسىن تۇمان باسادى.