حالىقارالىق وليمپيادا كوميتەتى 2028 جىلعى لوس-اندجەلەس وليمپياداسىنىڭ الدىن الا باعدارلاماسىنا 28 سپورت ءتۇرىن ەنگىزدى.
بىلتىر توكيودا تۇساۋى كەسىلگەن سكەيتبوردينگ, سەرفينگ, سپورتتىق شىڭعا ورمەلەۋ جارىستارى لوس-اندجەلەستە دە وتەتىن بولدى. ال بوكس, اۋىر اتلەتيكا جانە قازىرگى بەسسايىسقا بايلانىستى ناقتى شەشىم قابىلدانعان جوق. حالىقارالىق فەدەراتسيالار وليمپيادالىق باعدارلاماداعى ورنىن ساقتاپ قالۋ ءۇشىن رەفورمالاردى اياقتاۋلارى قاجەت.
2023 جىلى ۇيىمداستىرۋ كوميتەتى لوس-اندجەلەستەگى وليمپيادا باعدارلاماسىنا ەنەتىن قوسىمشا سپورت تۇرلەرىن ۇسىنۋى مۇمكىن. ويىن باعدارلاماسىنا قاتىستى سوڭعى شەشىم 2024 جىلدىڭ جەلتوقسانىندا قابىلدانادى.