بالەت بيشىلەرىنىڭ بيىگى

تالانتتارى توپ جارعان كوۆەنت-گاردەن كورولدىك بالەتى, امەريكالىق بالەت تەاترى جانە كۆينسلەندسك بالەتىنىڭ جەتەكشى سوليستەرى قاتىسقان الەمدىك دەڭگەيدەگى گالا-كورسەتىلىم 26 قاڭتاردان 5 اقپانعا دەيىن جالعاسادى.

وسى ايتۋلى ءىس-شارادا باقتيار ادامجان مەن شۇعىلا ادەپحان ا.حاچا­­تۋرياننىڭ «سپارتاك» بالە­تىنەن ءبىر ءنومىردى ورىنداپ, كورەر­مەن­دەردىڭ ىس­تىق ىقىلاسىنا بولەندى.

ا.ۆ.سەلەزنەۆ اتىنداعى الماتى حورەوگرافيالىق ۋچيليششەسىنىڭ تۇلەگى باقتيار ادامجاننىڭ ونەردەگى تابىس­تى جولى سپارتاك پارتياسىنان باس­تالىپ, ول بىرنەشە مارتە نيۋ-يورك, ىستانبۇل, سەۋل, ماسكەۋ جانە ت.ب. شاھارلاردا وتكەن حالىقارالىق بالەت بايقاۋلارىنىڭ لاۋرەاتى اتاندى. الەمنىڭ ايگىلى ساحنالارىندا ونەر كورسەتتى.

– العاشقى ورىنداۋىمىز كەرەمەت بولدى, – دەيدى باقتيار. – كورەرمەن ءبىزدى وتە جاقسى قابىلدادى. زالدا ينە شانشار ورىن بولعان جوق. جۇرتشىلىقتىڭ قوشەمەتى بىزگە شابىت سىيلادى, − دەيدى ول.

Ballet International Gala بالەت­تىڭ جەتەكشى ارتىستەرىن جيناۋى كوپ­شىلىكتىڭ نازارىن اۋدارىپ, بۇق­ا­را­لىق اقپارات قۇرالدارىندا كەڭى­رەك ايتىلدى. سونىڭ ىشىندە وقىر­مان­­­داردىڭ قىزىعۋشىلىعىن وياتقان ورىن­­­داۋلاردىڭ ءبىرى «استانا وپەرا» ارتىس­تەرىنىڭ ءنومىرى بولعاندىعىن بىر­قاتار اۋستراليالىق جانە الەمدىك باق وكىلدەرى جازىپتى.

اسىرەسە اۋستراليالىق سىن­شىلار­دىڭ ءبىرى فيل براۋن The Courier Mail گازەتىندە باقتيار مەن شۇعىلانىڭ ونەرىنە جوعارى باعا بەرگەن.

«سپارتاك» بالەتىنەن ءۇزىندى ورىن­داعان قازاقستاندىق قوس ءبيشى – باقتيار ادامجان مەن شۇعىلا ادەپحاندى كورگەنىمە سەنە الار ەمەسپىن. ولارعا مۇندا ونەر كورسەتۋ وڭاي بولمادى, سوندا دا ولار ءوز ماقساتتارىنا جەتتى. وتكەن كەشتە قازاقستاندىق جۇپ كەزىندە جازىلعان ەڭ ادەمى اۋەندەردىڭ ءبىرى – ارام حاچا­تۋرياننىڭ مۋزىكاسىنا كەرەمەت بيلەدى. جانە دە باقتيار ادامجاننىڭ بەينەسى شىنايى سپار­تاك­تان اينىمادى. شىن مانىندە, گريگو­روۆيچ ونى رولگە ادەيى تاڭداپ العان سەبەبى دە تۇسىنىكتى. بۇل جۇپتىڭ ونەر كورسەتۋى ءبىزدى تاڭعالداردى», دەيدى ول.

ءبىر سوزبەن ايتقاندا, وتاندىق بالەت ارتىستەرىنىڭ وسىنداي اۋقىمدى شارالارعا قاتىسۋى ولاردىڭ دەڭگەيىنىڭ جوعارى ەكەنىن كورسەتەدى.