الماتىدا قىلمىستىق توپ باقىلاۋىنداعى كومپانيالار ارقىلى ۇيىمدارعا سالىق تولەۋدەن جالتارۋ بويىنشا كومەكتەسكەن, دەپ حابارلايدى Egemen.kz قارجى مونيتورينگى اگەنتتىگىنىڭ ءباسپاسوز قىزمەتىنە سىلتەمە جاساپ.
الماتىدا ماتەريالدىق سىياقى ءۇشىن جالعان شوت-فاكتۋرالار مەن بۋحگالتەرلىك قۇجاتتار جاساۋمەن اينالىسقان, قۇرامىندا جەتى ادام بار قىلمىستىق توپقا قاتىستى سوتقا دەيىنگى تەرگەۋ اياقتالدى.
«بۇل تۇلعالار 2018 جىلدان باستاپ 2020 جىلعا دەيىن كوممەرتسيالىق ۇيىمدارعا جالپى سوماسى 3 ميلليارد تەڭگەدەن اساتىن 4 كوممەرتسيالىق كومپانيا ارقىلى سالىق تولەۋدەن جالتارۋ بويىنشا كومەكتەستى. سونداي-اق ايىپتالۋشىلار تۇرعىلىقتى جەرىندە سالماعى 849 گرامم بولاتىن تىيىم سالىنعان «ماريحۋانا» ەسىرتكىسىن وسىرگەنى انىقتالدى», دەلىنگەن حابارلامادا.
سوت ۇكىمىمەن ايىپتالۋشىلار قىلمىستىق كودەكستىڭ 216-بابى 3-بولىگى ء«ىس جۇزىندە جۇمىستى ورىنداماي شوت-فاكتۋرا جازۋ بويىنشا ءىس-ارەكەتتەر جاساۋ» بويىنشا كىنالى دەپ تانىلىپ, ولارعا 3 جىلدان 4,8 جىلعا دەيىن ءتۇرلى مەرزىمگە باس بوستاندىعىنان ايىرۋ جازاسى تاعايىندالدى.
الماتى پوليتسياسى تىيىم سالىنعان ەسىرتكى زاتتارىنا قاتىستى ءىستى تەرگەيدى.