نيدەرلاندتا ءوتىپ جاتقان فۋتزالدان 2022 جىلعى ەۋروپا چەمپيوناتىنىڭ شيرەك فينالدىق ويىندارى اياقتالىپ, جارتىلاي فينالعا جولداما العان ۇزدىك ءتورت قۇراما بەلگىلى بولدى.
شيرەك فينال قورىتىندىسى بويىنشا كەلەسى كەزەڭگە ۋكراينا, پورتۋگاليا, يسپانيا جانە رەسەي قۇرامالارى شىقتى. شيرەك فينالدىڭ ءبىرىنشى كۇنىندە وسى بىرىنشىلىكتىڭ قازىرگى چەمپيوندارى پورتۋگاليا فينليانديانى 3:2 ەسەبىمەن تىزە بۇكتىرسە, قازاقستان قۇراماسىنىڭ ۋكراينادان 3:5 ەسەبىمەن ۇتىلىپ قالعانى بەلگىلى. ال ەكىنشى كۇنگى ويىنداردا رەسەي فۋتزالشىلارى گرۋزيانى – 3:1, يسپانيا سلوۆاكيانى 5:1 ەسەبىمەن جەڭىپ, جارتىلاي فينالدا ويناۋ مۇمكىندىگىنە يە بولعان ەدى.
4 اقپانعا بەلگىلەنگەن جارتىلاي فينالدا پورتۋگاليا – يسپانيا جانە رەسەي – ۋكراينا قۇرامالارى فينال جولداماسىن ساراپقا سالادى. فينال جانە 3-ورىن ءۇشىن بولاتىن ويىندار 6 اقپانعا جوسپارلانعان.