قارجىلىق مونيتورينگ اگەنتتىگى اتىراۋ وبلىسى بويىنشا اۋماقتىق دەپارتامەنتى مونوپوليستتىڭ تۇرعىندار مەن زاڭدى تۇلعالار ۇشىن ماگيسترالدىق قۇبىرلار ارقىلى سۋمەن قامتاماسىز ەتۋ ءتاريفىن اسىرا باعالاۋ فاكتىسىن انىقتادى, دەپ حابارلايدى Egemen.kz.
«اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 221-بابىنىڭ 1-بولىگى (مونوپوليالىق قىزمەت) بويىنشا سوتقا دەيىنگى تەرگەۋ امالدارى جۇرگىزىلۋدە. سونىمەن بىرگە, تۇتىنۋشىلارعا كەلتىرىلگەن زالالدى وتەۋ ماقساتىندا 2022-جىلدىڭ سوڭىنا دەيىن اتىراۋ وبلىسىنىڭ تۇرعىندارى ءۇشىن اتالعان كوممۋنالدىق قىزمەتتەرگە جەڭىلدەتىلگەن وتەمدىك تاريف ەنگىزىلدى», دەپ جازىلعان حابارلامادا.
تەرگەۋ مۇددەسىن ساقتاۋ ءۇشىن وزگە اقپارات جاريا ەتىلمەيدى.
ەسكە سالايىق, بۇعان دەيىن قارجىلىق مونيتورينگ اگەنتتىگى تارازدا جىلۋ ءتاريفىن 15%-عا تومەندەتسە, سونىمەن قاتار 2021-جىلدىڭ تامىزىندا كوممۋنالدىق قىزمەت باعاسىنىڭ نەگىزسىز ءوسۋىن توقتاتقان بولاتىن.