سەمەيدە زاڭسىز اعاش كەسكەندەر ۇستالدى

قىلمىس قاڭتار ايىنىڭ باسىندا تىركەلگەن. قاڭتار ايىندا بەسقاراعاي رجپ كەزەكشى بولىمىنە «سەمەي ورمانى» ديرەكتورىنىڭ ءوتىنىشى كەلىپ ءتۇستى. ول ورمان كۇزەتشىلەرىنىڭ پاترۋلدىك جۇمىستارى كەزىندە اعاشتاردى زاڭسىز كەسۋ دەرەكتەرىن انىقتاعانىن حابارلادى. 112 قاراعاي, كولەمى 56 تەكشە مەتردەن اساتىن 25 كوكتەرەك كەسىلدى. بۇرىن ورمان بولعان ۇلان-عايىر اۋماقتا تەك دىڭگەكتەر مەن كەسىلگەن اعاش بۇتاقتارى قالعان.

جەدەل ىزدەستىرۋ ءىس-شارالارى بارىسىندا پوليتسيا قىزمەتكەرلەرى كۇدىكتى رەتىندە 40-43, 46, 30, 51 جاستاعى بەسقاراعاي اۋدانى مەن سەمەي قالاسىنىڭ تۇرعىندارىن ۇستادى. ۇستالعانداردان تراكتور, تىركەمە, سونداي-اق كەسىلگەن اعاشتاردىڭ بورەنەلەرى تاركىلەندى. پوليتسيانىڭ مالىمەتىنشە, كەلتىرىلگەن شىعىن شامامەن 350 000 تەڭگەنى قۇراعان.

اتالعان فاكت بويىنشا قر قىلمىستىق كودەكسىنىڭ 340-بابىنىڭ 3-بولىگى - اعاشتار مەن بۇتالاردى زاڭسىز كەسۋ, جويۋ نەمەسە زاقىمداۋ بويىنشا سوتقا دەيىنگى تەرگەۋ باستالدى.