اسا جەڭىل سالماقتاعى UFC چەمپيونى الدجەمەين ستەرلينگ ۇيىمنىڭ ۋاقىتشا چەمپيونى, رەسەيلىك پەتر يان تۋرالى تاعى ءبىر جازبا قالدىردى. بۇل جولى اقش سپورتشىسى قارسىلاسىن كەمسىتىپ سويلەدى, دەپ حابارلايدى Egemen.kz championat.com-عا سىلتەمە جاساپ.
«چەتر (سپورتشىنىڭ پەتر دەگەن ەسىمىن بۇرمالاپ) مەنەن قاتتى قورقادى», دەپ جازدى ول تۆيتتەردە. جالپى ستەرلينگتىڭ الەۋمەتتىك جەلىلەرگە قارسىلاسىنىڭ سۋرەتىن جۇكتەپ, ونى كەمسىتە سويلەۋى ءبىر بۇل ەمەس. ول بۇعان دەيىن دە بىرنەشە مارتە قارسىلاستارىنىڭ شامىنا تيۋ ءۇشىن وسىنداي ارەكەتتەرگە بارعان ەدى. ال ەكى سپورتشى اراسىنداعى شايقاس UFC 273 ءتۋرنيرى اياسىندا 9 ساۋىردە وتەدى دەپ جوسپارلانعان.