بىرقاتار قازاقستاندىق كومپانيادان «قازاقستان حالقىنا» قورىنا تاعى 16 ميلليارد تەڭگە ءتۇستى. بۇل تۋرالى قوردىڭ ءباسپاسوز قىزمەتى وكىلى مالىمدەدى, دەپ حابارلايدى Egemen.kz.
29-31 قاڭتار ارالىعىندا اقشا اۋدارعاندار:
Altyntau Kokshetau اق - 6 ميلليارد 470 ميلليون تەڭگە; «قازمىرىش» جشس - 5 ميلليارد 855 ميلليون تەڭگە; «كار-تەل» جشس - 2 ميلليارد تەڭگە; «جايرەم كبك» اق - 675 ميلليون تەڭگە; تسحاي ياكوۆ اندرەەۆيچ - 500 ميلليون تەڭگە; AlSolutions جشس - 300 ميلليون تەڭگە; «ساۋتس ويل» جشس - 200 ميلليون تەڭگە.بۇگىندە قوردا 109,3 ميلليارد تەڭگە جينالعان. بۇل قاراجات بيىل 16-31 قاڭتار ارالىعىندا تۇسكەن.
بۇعان دەيىن قورعا جىلىنا كەمىندە 100 ميلليرد تەڭگە مولشەرىندە اقشا جينالادى دەپ بولجانعان بولاتىن. بولجامدىق ەسەپتەۋلەرگە سايكەس, ول شەتەلدىك جانە حالىقارالىق كومپانيالاردان تۇسەتىن قارجى ەسەبىنەن تولىعادى.
ەسكە سالايىق, قور 2022 جىلدىڭ قاڭتارىندا قازاقستان پرەزيدەنتى قاسىم-جومارت توقاەۆتىڭ باستاماسىمەن قۇرىلدى. ۇيىمنىڭ نەگىزگى مىندەتى - مۇقتاجدارعا, زارداپ شەككەندەرگە قايىرىمدىلىق كومەك كورسەتۋ, گۋمانيتارلىق باعىتتاردى دامىتۋ.