بۇگىن التىنسارين اۋداندىق ءماسليحات دەپۋتاتتارىنىڭ كەلىسىمىمەن جانە قوستاناي وبلىسىنىڭ اكىمى ارحيمەد مۇحامبەتوۆتىڭ وكىمىمەن التىنسارين اۋدانىنىڭ اكىمى بولىپ ارنۇر مارات ۇلى سارتوۆ تاعايىندالدى, دەپ حابارلايدى Egemen.kz.
ول 1987 جىلى قوستاناي وبلىسىندا دۇنيەگە كەلگەن. «ەكونوميكا» جانە «مەملەكەتتىك باسقارۋ» ماماندىعى بويىنشا باكالاۆريات جانە ماگيستراتۋرادا ءبىلىم العان.
2021 جىلى پرەزيدەنتتىك جاستار كادر رەزەرۆىنە الىندى. بۇعان دەيىن قوستاناي وبلىسى فەدوروۆ اۋدانى اكىمىنىڭ ورىنباسارى قىزمەتىن اتقارعان.
ايماق باسشىسى ارحيمەد مۇحامبەتوۆ ارنۇر سارتوۆقا اۋداننىڭ الەۋمەتتىك-ەكونوميكالىق دامۋىن ودان ءارى قامتاماسىز ەتۋدى تاپسىردى.