الماتى قالاسىندا ءبىر تاۋلىكتە 3 387 ادام كوروناۆيرۋس ۆاكتسيناسىن سالدىردى. بۇل تۋرالى قالالىق قوعامدىق دەنساۋلىق ساقتاۋ باسقارماسى ءمالىم ەتتى, دەپ حابارلايدى Egemen.kz
«12 قاڭتار كۇنى 3 387 الماتىلىق ۆاكتسينا سالدىردى. ۆاكتسينا سالدىرعاندار سانى بويىنشا الماتى قالاسى الدىڭعى ورىندا. بيىلعى جىلدىڭ 1 اقپانى مەن 12 قاڭتار ارالىعىندا قالادا 1 053 444 تۇرعىن ۆاكتسينانىڭ ءبىرىنشى كومپونەنتىن, 1 017 659 ادام ەكىنشى كومپونەنتىن سالدىرعان. ونىڭ ىشىندە 123 472 ادامنىڭ جاسى 60-تان اسقان», - دەپ حابارلادى باسقارمادان. بۇگىنگى تاڭدا Pfizer (Comirnaty) كومپانياسىنىڭ ەكپەسىن 31 977 ادام سالدىردى. ونىڭ ىشىندە 1 761 جۇكتى ايەل, 6 498 بالا ەمىزەتىن انا جانە 23 718 ءجاسوسپىرىم بار.
رەۆاكتسينادان 73 271 الماتىلىق ءوتتى. «بۇگىنگى تاڭدا قالادا مەديتسينالىق ۇيىمداردا, مەكتەپتەر مەن بازارلاردا 132 ۆاكتسيناتسيا پۋنكتى جۇمىس ىستەيدى. 201 ۆاكتسيناتسيا بريگاداسىندا 762 مەديتسينا قىزمەتكەرى جۇمىلدىرىلدى» - دەپ اتاپ ءوتتى الماتى قالاسى قوعامدىق دەنساۋلىق باسقارماسىنىڭ ءباسپاسوز قىزمەتى.