«قىزىل» ايماققا وتكەن اتىراۋ وبلىسىندا ەپيدەميولوگيالىق احۋال شيەلەنىسىپ كەتتى, دەپ حابارلايدى Egemen.kz.
ءوڭىردىڭ دەنساۋلىق ساقتاۋ باسقارماسى ءباسپاسوز قىزمەتى تاراتقان اقپاراتقا قاراساق, 10 قاڭتار كۇنى قاۋىپتى ۆيرۋستىڭ بەلگىسى 243 ادامنان تابىلعان ەكەن.
«كوروناۆيرۋس ينفەكتسياسىن جۇقتىرۋ اتىراۋ قالاسىندا ءورشىپ تۇر. مۇنايلى قالادا Covid-19 ينفەكتسياسىنىڭ 193 جاعدايى راستالدى. ال, تەڭىز كەن ورنىندا 30 ناۋقاس انىقتالدى. قىزىلقوعا اۋدانىندا – 10, قۇرمانعازى اۋدانىندا 10 ادام ىندەتكە شالدىقتى. قاۋىپتى ۆيرۋستىڭ سيمپتومدى بەلگىسى 140 ناۋقاستا بار», دەلىنگەن حابارلامادا.