بوكستان 22 جاسقا دەيىنگى سپورتشىلار اراسىنداعى ازيا چەمپيوناتىنا قازاقستاندىق سپورتشىلار قاتىسپايدى. بۇل تۋرالى كوماندانىڭ باس باپكەرى قايرات ءساتجانوۆ مالىمدەدى, دەپ حابارلايدى Egemen.kz ۇوك-كە سىلتەمە جاساپ.
«ەلىمىزدەگى توتەنشە جاعدايعا بايلانىستى جوسپارلانعان وقۋ-جاتتىعۋ جيىندارىن كەيىنگە قالدىردىق. ناقتىلاپ ايتار بولسام, جيىن اقپان ايىندا باستالادى. ال 20 قاڭتار كۇنى تاشكەنتتە باستالاتىن 22 جاسقا دەيىنگى بوكسشىلار اراسىنداعى ازيا بىرىنشىلىگىنە دە بارمايمىز. ويتكەنى, ەلدەگى تارتىپسىزدىكتەرگە بايلانىستى ەلدەن شىعۋعا رۇقسات جوق.
مۇنداي قيىن كەزەڭدە ءبىز بىرىگىپ, اۋىزبىرشىلىك تانىتۋىمىز قاجەت. قازىر جاتتىعۋ جيىندارى دا, جارىستار دا توقتاپ تۇر. دەگەنمەن, كەلەسى ايدان باستاپ بارلىق جوسپارىمىز ۋاقىتىلى ورىندالادى دەپ سەنەمىز», دەيدى قايرات ءساتجانوۆ.
بوكستان 22 جاسقا دەيىنگى سپورتشىلار اراسىنداعى ازيا چەمپيوناتى 20-30 قاڭتار ارالىعىندا وتەدى.