سەناتور سۇلتانبەك ماكەجانوۆ پالاتانىڭ قارجى جانە بيۋدجەت كوميتەتىنىڭ مۇشەسى بولىپ سايلاندى, دەپ حابارلايدى Egemen.kz.
بۇگىن قر پارلامەنتى سەناتىنىڭ جالپى وتىرىسىندا دەپۋتاتتار سەناتور سۇلتانبەك ماكەجانوۆتى ءوز ءوتىنىشى نەگىزىندە قارجى جانە بيۋدجەت كوميتەتىنىڭ مۇشەسى ەتىپ سايلادى.
بۇعان دەيىن ول سەناتتىڭ كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ مۇشەسى بولعان.
«كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ مۇشەسى سۇلتانبەك الماسبەك ۇلى ماكەجانوۆ باسقا كوميتەتكە اۋىسۋ تۋرالى ءوتىنىش ءبىلدىردى. زاڭناماعا سايكەس, دەپۋتاتتاردىڭ ونداي قۇقىعى بار», دەدى سەنات توراعاسى ماۋلەن اشىمباەۆ.
دەپۋتاتتار اتالمىش ماسەلە تۋرالى قاۋلىنى قولداپ داۋىس بەردى.