ەلوردالىق وقۋشىلار مەن ستۋدەنتتەر ونلاين وقۋ فورماتىنا قايتا كوشەدى. بۇل تۋرالى بريفينگتە نۇر-سۇلتاننىڭ باس سانيتارلىق دارىگەرى سارحات بەيسەنوۆا حابارلادى, دەپ جازادى Egemen.kz.
«وقۋشىلار 2022 جىلدىڭ 31 قاڭتارىنا دەيىن, جوعارى وقۋ ورىندارىنىڭ ستۋدەنتتەرى 2022 جىلدىڭ 6 اقپانىنا دەيىن ونلاين وقيتىن بولادى», دەدى سارحات بەيسەنوۆا.
ايتا كەتسەك, ءبىلىم بەرۋ ورتالىقتارىنىڭ, بالالار مەن ەرەسەكتەرگە ارنالعان ۇيىرمەلەردىڭ, بالالاردى دامىتۋ ورتالىقتارىنىڭ, بالالار مەن ەرەسەكتەرگە ارنالعان تۇزەتۋ ورتالىقتارىنىڭ جۇمىسى دا ونلاين-فورماتقا اۋىستىرىلادى.
قىزمەتكەرلەردىڭ كوروناۆيرۋسقا قارسى ۆاكتسينا الۋىنا قاراماستان, مەملەكەتتىك ورگانداردىڭ, ۇيىمداردىڭ, ۇلتتىق كومپانيالاردىڭ, كاسىپورىنداردىڭ اكىمشىلىك پەرسونالىنىڭ كەمىندە 80%-ى قاشىقتىقتان جۇمىس ىستەۋگە اۋىستىرىلادى.