بۇگىن الماتى وبلىسىندا وبلىسارالىق اۆتوبۋس قاتىناسى قايتا جانداندى. ال وبلىسىشىلىك اۋدانارالىق باعىتتار كەشە 11 قاڭتاردا جۇمىسىن باستادى, دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.
وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ اقپاراتى بويىنشا, اۆتوبۋس رەيستەرى بەكىتىلگەن كەستەگە سايكەس ساعات 07:00-دەن 20:00-گە دەيىن جۇزەگە اسىرىلادى. توتەنشە جاعداي رەجيمى اياقتالعانعا دەيىن تۇنگى رەيستەر ۋاقىتشا توقتاتىلدى.
ايتا كەتسەك, بۇگىننەن باستاپ الماتى قالاسىنىڭ ماڭىندا قالا ماڭىنا قاتىنايتىن باعدارلار ىسكە قوسىلدى.